![img](https://tiiame.uz/sites/default/files/1iiii.jpg)
Qizlar odobi
2024 yil 23 yanvar kuni “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti 2-Talabalar turar joyida QXM fakultetining Xotin - qizlar masalalari bo‘yicha dekan maslahatchisi E.G‘aniboyeva tashabbusi bilan talaba qizlari o‘rtasida “Qizlar odobi” mavzusida davra suhbati o‘tkazildi.
Davra suhbatida E.G‘aniboyeva, tyutor O.Abdullayevalar so‘zga chiqib, TTJ ning ichki tartib qoidalari, talaba qizlarimizning kiyinish madaniyati, axloq-odobi, pokizalik, tibbiy ko‘rikning ahamiyati, internet va ijtimoiy tarmoqlardan to‘g‘ri foydalanish masalalari bo‘yicha o‘z-fikr mulohazalarini bildirdilar. Shuningdek, suhbat davomida talaba qizlar tomonidan berilgan savollarga javob berish bilan birgalikda ularni qiziqtirayotgan mavzular ham yoritib o‘tildi. Talaba-qizlarimizni darsdan bo‘sh vaqtlarida yotoqxonada tashkil qilingan “Mohir qo‘llar” to‘garagida qilinishi lozim bo‘lgan ishlar haqida ham kelishib olindi. Davra suhbati qiziqarli, fayzli o‘tdi.
“Qishloq xo‘jaligini mexanizatsiyalash” fakulteti Xotin-qizlar masalalari bo‘yicha dekan maslahatchisi E.G‘aniboeva axboroti
Universitet matbuot xizmati