15/04/2022

Universitet faoliyatini muvofiqlashtirish bo’yicha boshqaruv kengashi

O‘zbekiston Respublikasi Prezidentining 2021-yil 10-dekabrdagi “Iqtisodiyot tarmoqlari uchun muhandis kadrlarni tayyorlash tizimini innovatsiya va raqamlashtirish asosida tubdan takomillashtirish chora-tadbirlari to‘g‘risida”gi  PQ-42-son Qaroriga asosan “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti faoliyatini muvofiqlashtirish bo‘yicha boshqaruv kengashi tashkil etildi.

Boshqaruv kengashi vazifalari:

- Universitetning moliyaviy yil uchun mo‘ljallangan biznes-rejasini, uzoq va o‘rta muddatli strategik rivojlantirish dasturini, daromad va xarajatlar parametrlarini tasdiqlash hamda ularning ijrosini muhokama qilish;

- Fanlar akademiyasi ilmiy muassasalari va tarmoq ilmiy-tadqiqot institutlari bilan hamkorlikda ilmiy maktablarni rivojlantirish;

- qishloq va suv xo‘jaligi texnologiyalari yo‘nalishida ta’lim, ilmiy tadqiqot va ishlanmalar transferi jarayonlarini rivojlantirish hamda ilmiy tadqiqot va innovatsion ishlanmalar bo‘yicha buyurtmachilar bilan manfaatli hamkorlikni o‘rnatish;

- ilmiy mahsulotlarni tijoratlashtirish, startap va akselerator faoliyatlarini yo‘lga qo‘yish;

- ta’lim va tadqiqot jarayonlariga investitsiyalarni jalb etish, yetakchi xorijiy oliy ta’lim va ilmiy-tadqiqot muassasalari bilan samarali aloqalarni o‘rnatish.

Boshqaruv kengashi vakolatlari:

- iqtisodiyot tarmoqlarining ehtiyojlarini hisobga olgan holda yangi bakalavriat ta’lim yo‘nalishlari va magistratura mutaxassisliklarini ochish, shuningdek, to‘lov-kontrakt asosida o‘qishga qabul parametrlarini belgilash;

- o‘quv-ilmiy jarayonlarga jalb etilgan xorijiy mutaxassislar mehnatiga haq to‘lash miqdorlarini bozor konyunkturasidan kelib chiqib belgilash;

- Universitet va uning tasarrufidagi ta’lim tashkilotlari tuzilmalarini tasdiqlash;

- Universitetning tashkiliy tuzilmasiga budjetdan tashqari mablag‘lar hisobidan moliyalashtiriladigan yangi lavozim va tarkibiy bo‘linmalar hamda qo‘shimcha shtat birliklarini joriy etish.



Universitet faoliyatini muvofiqlashtirish bo’yicha boshqaruv kengashi

TARKIBI

I.Y. Abdurahmonov

Oliy ta’lim, fan va innovatsiyalar vaziri, Boshqaruv kengashi raisi

Sh.R. Xamrayev

Suv xo‘jaligi vaziri, Boshqaruv kengashi raisi o‘rinbosari

A.B. Voitov

Qishloq xo‘jaligi vaziri

A.A. Abduxakimov

Ekologiya, atrof-muhitni muhofaza qilish va iqlim o‘zgarishi vaziri

Sh.X. Shermatov

Raqamli texnologiyalar vaziri

L.Sh. Kudratov

Investitsiyalar, sanoat va savdo vaziri

A.I. Axmedxadjayev

Energetika vazirining birinchi o‘rinbosari

N.J. Bakirov

O‘rmon xo‘jaligi agentligi direktori

A.A. Sanginov

“O‘zbekgidroenergo” AJ boshqaruvi raisi

B.S. Mirzayev

“Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti rektori, Boshqaruv kengashi kotibi

Izoh: Boshqaruv kengashi a’zolari boshqa ishga o‘tgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

 “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti

Boshqaruv kengashi to‘g‘risida

NIZOM

I. Umumiy qoidalar

  1.  “Toshkent irrigatsiya va qishloq xo‘jaligini mexanizatsiyalash instituti” Milliy tadqiqot universiteti (keyingi o‘rinlarda - Universitet) Boshqaruv kengashi O’zbekiston Respublikasi Prezidentining 2021 yil 10 dekabrdagi “Iqtisodiyot tarmoqlari uchun muxandis kadrlarni tayyorlash tizimini innnovatsiya va raqamlashtirish asosida tubdan takomillashtirish chora-tadbirlari to‘g‘risida”gi PQ-42-son, 2021 yil 24 dekabrdagi “Davlat oliy ta’lim muassasalarining akademik va tashkiliy-boshqaruv mustaqilligini ta’minlash bo‘yicha qo‘shimcha chora-tadbirlar to‘g‘risida”gi PQ-60-son va 2021 yil 24 dekabrdagi “Davlat oliy ta’lim muassasalariga moliyaviy mustaqillik berish chora-tadbirlari to‘g‘risida”gi PQ-61-son qarorlari asosida tuzilgan bo‘lib, universitet va uning tasarrufidagi ta’lim muassasalari faoliyatini boshqarish, muvofiqlashtirish va nazorat qilishga yo‘naltirilgan. .
  2. Boshqaruv kengashi o‘z faoliyatini O’zbekiston Respublikasi Konstitutsiyasi va qonunlari, O’zbekiston Respublikasi Prezidentining farmonlari, qarorlari va farmoyishlari, O’zbekiston respublikasi Vazirlar Mahkamasining qarorlari va boshqa qonunchilik hujjatlarga, shuningdek va ushbu Nizom asosida amalga oshiradi.
  3. “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti Boshqaruv kengashining ishchi organi hisoblanadi.

 

II. Boshqaruv kengashning vazifalari va funksiyalari

  1. Boshqaruv kengashiga yuqoridagi O’zbekiston Respublikasi Prezidentining qarorlariga muovifiq:

a) quyidagi vazifalar yuklatilgan:

Universitetning moliyaviy yil uchun mo‘ljallangan biznes-rejasini, uzoq va o‘rta muddatli strategik rivojlantirish dasturini, daromad va xarajatlar parametrlarini tasdiqlash hamda ularning ijrosini muhokama qilish;

Fanlar akademiyasi ilmiy muassasalari va tarmoq ilmiy-tadqiqot institutlari bilan hamkorlikda ilmiy maktablarni rivojlantirish;

qishloq va suv xo‘jaligi texnologiyalari yo‘nalishida ta’lim, ilmiy tadqiqot va ishlanmalar transferi jarayonlarini rivojlantirish hamda ilmiy tadqiqot va innovatsion ishlanmalar bo‘yicha buyurtmachilar bilan manfaatli hamkorlikni o‘rnatish;

ilmiy mahsulotlarni tijoratlashtirish, startap va akselerator faoliyatlarini yo‘lga qo‘yish;

ta’lim va tadqiqot jarayonlariga investitsiyalarni jalb etish, yetakchi xorijiy oliy ta’lim va ilmiy-tadqiqot muassasalari bilan samarali aloqalarni o‘rnatish;

b) quyidagi vakolatlar berilgan:

Universitet rektori, prorektorlari, Buxoro tabiiy resurslarni boshqarish instituti va Qarshi irrigatsiya va agrotexnologiyalar instituti rektorlarini  lavozimga tayinlash va lavozimidan ozod kilish;

Universitet va uning tasarrufidagi ta’lim muassasalarining rektor (direktor) va prorektor (direktor o‘rinbosari)larining bazaviy maoshiga ustama haq to‘lashni belgilash;  

iqtisodiyot tarmoqlarining ehtiyojlarini hisobga olgan holda yangi bakalavriat ta’lim yo‘nalishlari va magistratura mutaxassisliklarini ochish, shuningdek, to‘lov-kontrakt asosida o‘qishga qabul parametrlarini belgilash;

o‘quv-ilmiy jarayonlarga jalb etilgan xorijiy mutaxassislar mehnatiga haq to‘lash miqdorlarini bozor kon’yunkturasidan kelib chiqib belgilash;

Universitet va uning tasarrufidagi ta’lim tashkilotlari tuzilmalarini tasdiqlash;

Universitetning tashkiliy tuzilmasiga budjetdan tashqari mablag‘lar hisobidan moliyalashtiriladigan yangi lavozim va tarkibiy bo‘linmalar hamda qo‘shimcha shtat birliklarini joriy etish.

  1. Boshqaruv kengashi faoliyati doirasida quyidagi funksiyalarni ham amalga oshiradi:

Transformatsiya ofisi rahbari lavozimiga yetakchi xorijiy oliy ta’lim muassasalarida rahbarlik ish tajribasiga ega bo‘lgan mutaxassislarni jalb etadi;

Universitet kafedralarining ilmiy faoliyatini soha va tarmoqlar muammolarining yechimiga yo‘naltirish maqsadida zamonaviy ta’lim yo‘nalishlarini inobatga olgan holda, ularni qaytadan tashkil etadi;

Universitetning ixtisoslashgan fakultet va kafedralarining mos yo‘nalishlari bo‘yicha yirik xo‘jalik yurituvchi sub’ektlar bilan hamkorligini yo‘lga qo‘yadi;

Universitet rahbariyati, kafedralari va tarkibiy bo‘linmalari faoliyati samaradorligini baholash mezonlarini asosida yuqori natijadorlikka erishganlarni rag‘batlantirib boradi.

 

III. Boshqaruv kengashning tashkiliy tuzilmasi va faoliyati

  1. Boshqaruv kengashi uning raisi va o‘n bir (11) nafar har qanday masala bo‘yicha hal qiluvchi ovoz berish huquqiga ega bo‘lgan a’zolardan iborat tarkibda shakllantirilgan. Boshqaruv kengashi a’zolari boshqa
    ishga o‘tgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.
  2. Boshqaruv kengashining raisi kengashning barcha majlislarida raislik qiladi, bayonnomalarni imzolaydi va zarur hollarda imzolash yuzasidan vakolatlarni Boshqaruv kengashi boshqa a’zosiga beradi. Rais, shuningdek, kengash tomonidan tasdiqlangan yoki qabul qilingan qarorlarni amalga oshirish uchun zarur bo‘lgan boshqa vazifalarni ham bajaradi.
  3. Kotib kengash nomidan ish yuritadi va kengash tomonidan tayinlanishi mumkin bo‘lgan vazifalarni bajaradi. Kotib, shuningdek, kengashning barcha yig‘ilishlari, qarorlari va faoliyati to‘g‘risida yozuvlar saqlanishi va yuritilishini ta’minlaydi.
  4. Boshqaruv kengashi universitet faoliyatini rivojlantirish jamg‘armasiga kelib tushgan mablag‘larning to‘g‘ri va ishonchli hisobini, ularning manbasiga ko‘ra alohida hisob varaqlarda yuritishni ta’minlaydi. Mazkur vazifalar Boshqaruv kengashi tomonidan tasdiqlanishi bilan universitetning Bosh hisobchiga topshirilishi mumkin. Bosh hisobchi Boshqaruv kengashiga mablag‘lar to‘g‘risida hisobot beradi, shu jumladan moliyaviy yil oxirida yillik hisobot va kengash talab qilishi mumkin bo‘lgan boshqa hisobotlar tayyorlaydi.
  5. Boshqaruv kengashining muntazam majlislari kengash roziligi bilan har yili rais tomonidan belgilangan vaqtda va joyda o‘tkaziladi. Kengash yiliga kamida to‘rta marta Universitetda yig‘iladi.
  6. Boshqaruv kengashi raisi favqulodda vaziyatlarda istalgan vaqtda va joyda kengashning navbatdan tashqari majlislarini chaqirishi, shuningdek, kengashning istalgan uch (3) nafar a’zosining yozma iltimosiga binoan ham buni amalga oshirishi mumkin.
  7. Boshqaruv kengashi navbatdagi va maxsus yig‘ilishlari vaqti, joyi va kun tartibi to‘g‘risida axborot amaldagi qonunchilikka muvofiq beriladi. Oddiy sharoitlarda majlislar o‘tkazilishi to‘g‘risidagi axborot Boshqaruv kengashi tomonidan pochta, elektron pochta, elektron faksimil hamda kengashning ofis binosida, yoki Boshqaruv kengashi veb-saytiga joylashtirish kabi tegishli usullar bilan navbatdagi, maxsus yoki majlisi boshlanishidan kamida 24 soat oldin yetkaziladi.
  8. Boshqaruv kengashi navbatdagi yig‘ilishlaridan kamida besh
    kun oldin kengash a’zolariga yig‘ilishda ko‘rib chiqilishi rejalashtirilgan masalalar
    ko‘rsatilgan kun tartibi yuboriladi.
  9. Boshqaruv kengashining barcha yig‘ilishlari bayoni va bayonnomasi yuritiladi. Barcha yozuvlar va protokollar amaldagi qonunlar talablariga muvofiq saqlanishi ta’minlanadi.
  10. Boshqaruv kengashining navbatdagi yoki navbatdan tashqari o‘tkaziladigan majlislari o‘z a’zolarining jismonan hozir bo‘lishini talab qiladi. Boshqaruv kengashi raisi muayyan majlisni o‘tkazishda boshqa aloqa vositalardan foydalanish zarurligini asoslagan hollar bundan mustasno. Bunday hollarda majlislar telefon, videokonferensaloqa yoki elektron aloqaning boshqa shakllari orqali o‘tkazilishi mumkin va bunday majlislarda ishtirok etuvchi a’zolar barcha maqsadlar uchun ishtirok etayotgan hisoblanadi.
  11. Boshqaruv kengashining barcha a’zolari ko‘rilayotgan masalalar yuzasidan takliflar berishlari va muhokamada ishtirok etishlari mumkin. Masala yuzasidan kengash a’zosi uchun boshqalar ovoz berishiga ruxsat etilmaydi.
  12. Boshqaruv kengashining har qanday majlisi to‘xtatilishi mumkin va uning ishi kvorumdan kam bo‘lsa (75%), ovoz berishda qatnashgan a’zolarning ko‘pchilik ovozi bilan belgilangan kungacha qoldirilishi mumkin.
  13. Boshqaruv kengashi o‘zining qaror qabul qilish yoki qonun bilan faqat unga biriktirilganlaridan boshqa masalalarda lozim topsa muayyan vakolatlarini universitet rektoriga yoki boshqa rahbar/mas’ul xodimlarga berish huquqiga ega. Bunday vakolatlar doirasiga kengash nomidan kengash ma’qul deb topgan huquqiy hujjatlarni tasdiqlash va amalga oshirish kabi vakolatlar kiradi. Boshqaruv kengashi, shuningdek, kadrlarga oid vakolatlarini, shu jumladan, ishga olish yoki ishdan bo‘shatish vakolatlarini universitet tizimidagi raxbarlarga, shu jumladan, raxbarlarning o‘z vakolatlarini tizimning boshqa xodimlariga yoki muassasalariga topshirishga ruxsat berishi mumkin.

    Shuningdek, Boshqaruv kengashi universitet rektoriga tasarrufidagi muassasalari Ustavlarini tasdiklash xamda shu muassasalarni, prorektor, direktor (direktor o‘rinbosarlari)ni lavozimga tayinlash va lavozimidan ozod kilish vakolatini berishi mumkin.

  1. Boshqaruv kengashining faoliyati, jumladan rasmiy majlislari, muhokamalari mazkur Nizom va amaldagi qonunlar talabiga mos ravishda yetarli kvorum mavjud bo‘lgan hamda ochiq tarzda amalga oshiriladi. Boshqaruv kengashining navbatdagi va navbatdan tashqari muhokama qilinadigan masalalar yuzasidan tegishli qarorlar ovoz berishda qatnashgan a’zolarning ko‘pchilik ovozi bilan qabul qilinadi.

 

IY.Boshqaruv kengashining mas’ullari va ularning faoliyati

  1. Boshqaruv kengashda har bir faoliyat bo‘yicha mas’ullar mavjud bo‘lib, ular o‘z vakolatiga ega. Mas’ullar tarkibiga Universitetdagi tashkilotlar vakillari a’zo sifatida kiritiladi. Ijroiya faoliyati bo‘yicha mas’ullar. Boshqaruv kengashi raisi (raisi vazifasini bajaradi), kotib, Bosh hisobchi va kengash raisining ixtiyoriga ko‘ra Boshqaruv kengashi a’zolari orasidan tayinlanadigan yana bir (1) nafar mas’uldan iborat bo‘ladi.

Ijroiya faoliyati bo‘yicha mas’ullar Boshqaruv kengashi yig‘ilishlari doirasida Boshqaruv kengashi tomonidan beriladigan vakolatlar bo‘yicha faoliyat yuritadi. Kotib ijroiya bo‘yicha barcha faoliyatlari to‘g‘risida yozma bayonnoma tuzadi va Boshqaruv kengashining navbatdagi yig‘ilishida hisobot beradi.

  1. Ta’lim va talabalar bilan ishlash faoliyati bo‘yicha mas’ullar. Ta’lim va talabalar bilan ishlash faoliyati bo‘yicha mas’ullar Boshqaruv kengashining kamida uch (3) nafar a’zosidan, shu jumladan Boshqaruv kengashi raisi tomonidan ko‘rib chiqish hamda muhokama qilishga va ovoz berish uchun masalalar tayyorlanadi

Masu’llar universitet va uning tasarrufidagi institutlarning barcha ta’lim va talabalar bilan bog‘liq dasturlari, kvotalar, qabul parametlari va xizmatlariga oid takliflarni ko‘rib chiqish, baholash va kengashga tavsiyalar kiritish uchun hamda Universitet tizimining akademik
va talabalar bilan ishlash dasturlari va xizmatlarining sifati, yaxlitligi va tezkorligini monitoring qilish hamda natijalari bo‘yicha Boshqaruv kengashiga hisobotlarni taqdim etish uchun javobgardir. Universitetning belgilangan vakillari Boshqaruv kengashining ta’lim va talabalar bilan ishlash faoliyati bo‘yicha mas’ullar bilan ishlaydi.

  1. Ilmiy tadqiqot, innovatsiyalar va xalqaro hamkorlik faoliyati bo‘yicha mas’ullar. Mazkur mas’ullar tomonidan ilmiy tadqiqot, innovatsiyalar va xalqaro hamkorlik faoliyatini ko‘rib chiqish hamda muhokama qilishga va ovoz berish uchun masalalar tayyorlanadi.

Mas’ullar universitet va uning tasarrufidagi institutlarning barcha ilmiy tadqiqot, innovatsion rivojlanish va xalqaro hamkorlik hamda internatsionalizatsiya bilan bog‘liq dasturlari va xizmatlariga oid takliflarni ko‘rib chiqida, baholaydi va Boshqaruv kengashiga tavsiyalar kiritadi. Universitetning ilmiy va innovatsion hamda xalqaro hamkorlik faoliyatini rivojlantirish dasturlari va xizmatlarining sifati, yaxlitligi va dolzarbligini monitoring qilish hamda natijalari bo‘yicha Boshqaruv kengashiga hisobotlarni taqdim etish uchun mas’ul hisoblanadi. Universitetning belgilangan vakillari Boshqaruv kengashining ilmiy tadqiqot, innovatsiyalar va xalqaro hamkorlik faoliyati bo‘yicha mas’ullar bilan ishlaydi.

  1. Audit va moliya faoliyati bo‘yicha mas’ullar. Audit va moliya faoliyati bo‘yicha mas’ullar Boshqaruv kengashining kamida uch (3) nafar a’zosi, shu jumladan Boshqaruv kengashi raisi tomonidan ushbu masalalarni ko‘rib chiqish va muhokama qilishga hamda ovoz berish uchun masalalar tayyorlanadi. Kengashning mas’ul 3 nafar a’zolari universitet tizimi va institutsional moliyaviy menejment hamda ushbu yo‘nalishdagi faoliyat natijalarni ko‘rib chiqish uchun mas’uldir. Mas’ullar universitet tizimida barcha institutsional moliyaviy va budjet masalalarini ko‘rib chiqadi.

Universitet uchun yillik moliyaviy rejalarni ko‘rib chiqadi va tasdiqlaydi, mustaqil auditorning yillik moliyaviy auditi natijalarini ko‘rib chiqadi, ichki audit idorasi va bosh auditorni nazorat qiladi hamda audit hisobotlarini o‘rganadi va baholaydi. Olib borilgan ishlar asosida audit va moliya faoliyat bo‘yicha ma’sullar Boshqaruv kengashi budjet talablari, tizimni moliyalashtirish va qarzlar, Universitet tasarrufidagi institutlar va ularning tarkibiy bo‘limlari, markazlari va xizmatlari yuzasidan tegishli audit va moliyaviy masalalari bo‘yicha tavsiyalar beradi. Universitetning belgilangan vakillari Boshqaruv kengashining audit va moliya faoliyati bo‘yicha mas’ullar bilan ishlaydi.

  1. Ko‘chmas mulk/ob’ektlar bo‘yicha mas’ullar. Ko‘chmas mulk/ob’ektlar bo‘yicha mas’ullar tarkibi Boshqaruv kengashining kamida uch (3) nafar a’zosidan, shu jumladan Boshqaruv kengashi raisi tomonidan ushbu masalalarni ko‘rib chiqish va muhokama qilishga hamda ovoz berish uchun masalalar tayyorlanadi.

Mas’ullar Boshqaruv kengashiga Universitet va uning tasarrufidagi ta’lim muassasalarining ko‘chmas mulk egaliklarini baholash, boshqarish, va sotib olish yoki boshqacha tasarruf etish masalalari bo‘yicha tavsiyalar berish bo‘yicha mas’uldir. Shuningdek, mas’ullar Boshqaruv kengashiining ko‘chmas mulk siyosatini shakllantirish va amalga oshirish bilan shug‘ullanadi.

  1. Baholash faoliyati bo‘yicha mas’ullar. Baholash faoliyati bo‘yicha mas’ullar tarkibiga Boshqaruv kengashining barcha ovoz beruvchi a’zolari kiradi va har yili universitet rektori va boshqa xodimlarning faoliyatini baholaydi. Universitet Boshqaruv kengashiga tayinlangan xodimlarning har biri bo‘yicha ularning faoliyati haqida rasmiy fikr bildirib, ishga joylashish holatlari va shartlari, shu jumladan kompensatsiya va imtiyozlar hamda boshqa kadrlar masalalari bo‘yicha tavsiyalar beradi.

Universitet va uning tasarrufidagi ta’lim muassasalari rahbarlarining yillik faoliyatini baholash universitet rektori tomonidan bajariladi.

Mas’ullar o‘z faoliyatini rahbar xodimlar faoliyatini baholash tartib-qoidalariga muvofiq amalga oshiradi.

  1. Maxsus (vaqtincha) mas’ullar. Maxsus (vaqtincha) mas’ullar Boshqaruv kengashi tomonidan ko‘pchilik ovoz bilan ma’qullangandan so‘ng Boshqaruv kengashi raisi tomonidan tayinlanishi mumkin. Maxsus mas’ullar Boshqaruv kengashi belgilaydigan vakolat va majburiyatlarga ega bo‘ladilar. Vaziyat boshqacha yechimni talab qilmasa, vaqtinchalik mas’ullar Boshqaruv kengashining kamida uch (3) nafar ovoz beruvchi va uch (3) nafar maslahatchi a’zosidan iborat bo‘lishi kerak. Universitet tomonidan belgilangan vakillar maxsus mas’ullar tarkibiga kiradi.
  2. Ijroiya faoliyati bo‘yicha mas’ullardan tashqari barcha doimiy va maxsus mas’ullar rasmiy harakatlari kengashga berilgan tavsiyalar bilan cheklanadi va kengashga hech qanday mas’uliyat yuklamaydi.
  1. V. Yakunlovchi qoidalar
  1. Boshqaruv kengashi amaldagi qonunlar doirasida qabul qilingan o‘z qaror orqali ushbu nizomni amalga oshirish hamda Universitetni barqaror boshqarish, belgilangan missiya, qarashlar va qadriyatlarga erishish uchun zarur qoidalar va yo‘riqnomalarni qabul qilish va tasdiqlashi mumkin.
  2. Boshqaruv kengashini tashkil etish va uning faoliyatini tugatish qonunchilikka muvofiq amalga oshiriladi.