Bugun 1-iyul hurmatli ustozimiz Filologiya fanlari nomzodi, professor, “Antik dunyo” va “Turon” Xalqaro fanlar akademiyalarining akademigi, O‘zbekiston Yozuvchilar uyushmasi a’zosi, O‘zbekiston Badiiy akademiyasi - O‘zbekiston Badiiy ijodkorlar uyushmasi hamda “Ma’rifat” targ‘ibotchilar jamiyati a’zosi, Rahimboy ustoz Jumaniyozovning tavallud kunlari.

Xalqimizga 1300 yillik tariximiz muhri bo‘lgan arab alifbosiga asoslangan Eski o‘zbek yozuvini televidiniya orqali o‘rgatish asnosida keng jamoatchilik tomonidan  Jumhuriyat Muallimi, nomi bilan mashhur va manzur bo‘lgan, "Eski o‘zbek yozuvi", "Alifbo saboqlari"  nomli kitoblari orqali ko‘pchilikni savodxon qilgan Jumaniyozov Rahimboy Muhammadkarim o‘g‘li ayni damlarda “Notiqlik san’ati akademiyasi” direktori, "Toshkent irrigatsiya va qishloq xo‘jaligini mexanizatsiyalash muhandislari instituti" Milliy tadqiqot universiteti Matbuot xizmati rahbari sifatida faoliyat yuritadilar.

Shu munosabat bilan barcha oila a’zolari, yaqinlari hamkasblari, do‘stlari, shogirdlar samimiy tabriklaydilar. “Ustoz! Tilingiz doimo – o‘qdon, so‘zingiz – o‘q, nutqingiz esa kamonday uchqur va o‘tkir bo‘laversin”, - deb qolamiz.

Notiqning noni qattiq

So‘z bobida u ortiq

Uni aslo ranjitmang

Asli u haqdan tortiq

Notiqning noni qattiq

Tinglovchiga u intiq

Jaholatni ko‘rsa gar

Unga o‘qtalgan miltiq!