Joriy yilning 6 fevral kuni “Toshkent irrigatsiya va qishloq xo'jaligini mexanizatsiyalash muhandislari instituti” Milliy tadqiqot universiteti psixologi M.K.Muhammedova va “Girotexnika qurilishi” fakulteti tyutori X.Saidovalar hamkorlikda  “B”bino 403-xonada “Gidrotexnika qurilishi” fakulteti 1-kurs 108–111 guruh talaba yoshlari bilan "Psixologik nuqtai nazardan – sog'lom turmush tarzi va uning xususiyatlari" mavzusida seminar trening tashkil etdilar. Tadbir talaba yoshlar ongida salomatlik tushunchasi va turlari, uning jismoniy, ruhiy va axloqiy xususiyatlari, sog'lom turmush tarzining mohiyati nimada ekanligi haqidagi tushunchalarni shakllantirish maqsadida tashkil etildi. Sog'lom turmush tarzi – bu kundalik hayotda  salomatlikni saqlash hamda mustahkamlashga qaratilgan tadbirlardan iborat bo'lgan turmush tarzidir. Ma'lumki, salomatlik yo'lidagi harakat  birinchi  galda sog'liqni asrash hamda sog'lom turmush tarzini tashkil etish hisoblanadi. Sog'lom turmush tarzining asosiy talablarini quyidagicha belgilash mumkin: sog'lom ovqatlanish; faol harakatli turmush va badantarbiya; kun tartibini oqilona tashkil qilish; shaxsiy gigiyena  qoidalariga  rioya qilish; zararli odatlardan tiyilish; tana  vaznini  me'yorda  ushlash, organizmning ichki tozaligini ta'minlash; stresslarga  chidamlilik va  ruhiy  barqarorlik, xonadon va atrof – muhitning tozaligi va hokazolar. Tadbirda barcha insonlar sog'lom turmush tarzi borasida bilim va malakaga ega bo'lishlari va har  bir shaxs o'z  salomatligiga  avvalo  o'zi  mas'ul  ekanligini unutmasligi  lozim ekani haqida so'z yuritildi. Tadbir davomida salomatlikning 3 turi: jismoniy, aqliy va axloqiy (ijtimoiy) haqida ham to'xtalib o'tildi. Tadbir bahs va munozaralar, savol va javoblarga boy tarzda kechdi. Ayniqsa, Shohjahon va Temurlar boshqa talabalardan yaqqol ajralib, o'z faolliklarini namoyish etishdi.  

Universitet psixologi M.K. Muhammedova va “Gidrotexnika qurilish” fakulteti tyutori  X.Saidovalar axboroti  

“TIQXMMI” MTU matbuot xizmati