Bugun 09.02.2023 yil "TIQXMMI" MTU "Gidromelioratsiya" fakulteti tyutorlari U.Usmanov, D.Axrarova, G,Axmedjanova va Z. Tursunovalar  birgalikda  Buyuk mutafakkir shoir, o'tkir qalam sohibi Mir Alisher Navoiy tavalludining 582 yilligi munosabati bilan 1 va 2- kurs talabalari hamrohligida "Adiblar xiyoboni" ga tashrif buyurishdi. Yosh ijodkor talabalar Navoiy gulbog'idan guldastalar tuzab, g'azallari va ruboiylaridan namunalar keltirishdi.

Ma'lumot o'rnida Alisher Navoiy 1441 yil 9 fevral kuni Xuroson davlatining poytaxti — hozirgi Afgʻoniston hududidagi Hirot shahrining Bogʻi Davlatxona mavzesida tugʻildi. Otasi Gʻiyosiddin Muhammad - Temuriylar saroyida xizmat qilgan, oʻz davrining nufuzli kishilaridan biri, oʻgʻlining tarbiyasi va taʼlimiga jiddiy eʼtibor bergan. Onasi (ismi nomaʼlum) Kobul amirzodalaridan Shayx Abusaid Changning qizi ekani aytiladi. Navoiyning ota-onasi haqida maʼlumotlar kam, u oʻz asarlarida ham qarindoshlari haqida batafsil maʼlumotlar berib oʻtmagan. Navoiyning Darveshali ismli ukasi boʻlgani haqida maʼlumotlar bor.

“Gidromelioratsiya” fakulteti tyutori Zilola Tursunova axboroti

 Universitet matbuot xizmati