Isteʼdodli yoshlarni qoʻllab-quvvatlash “Ulugʻbek” jamgʻarmasi va Oliy taʼlim, fan va innovatsiyalar vazirligi hamkorligida o‘tkazilgan “Mirzo Ulugʻbek vorislari” Respublika tanlovi g‘oliblari aniqlandi. 4 kun davom etgan bellashuvlar qizgʻin bahs va unutilmas taassurotlarga boy boʻldi. Respublikaning turli hududlaridan kelgan iqtidorli yoshlar bir davrada jam boʻldi. Ishtirokchilar oʻzaro bilim va tajriba almashib, fikrlari bilan oʻrtoqlashdilar, yangi doʻstlar orttirish imkoniyatiga ega boʻldilar.

Mazkur tanlovda “Gidravlika va gidroinformatika” kafedrasi qoshida tashkil etilgan “Evrika” iqtidorli yoshlar to‘garagi vakillari Mamatov Valijon tanlov g‘olibiga aylangan bo‘lsa, Toshtemirov Bunyod faol ishtiroki uchun sertifikat va qimmatbaho sovg‘alar bilan taqdirlandi.

Universitet matbuot xizmati