Navro’z ayyomini xalqimiz naqadar orziqib va intizor bo’lib kutib olayotgani, bu bayramni eng qadimiy va asl milliy bayram sifatida ana shunday ardoqlab o’tkazishimiz, hech shubhasiz, bejiz emas va bunda chuqur ma’no-mazmun bor. Navro’z g’oyalarida milliy va umuminsoniy axloqiy me’zonlarning ustuvorligi, “Avesto” zamonlaridan buyon xalqimizning bezavol saqlanib kelayotgan qadimiy urf-odat va udumlari mujassam topganida, hamohang bo’lganida ko’rishimiz mumkin. 2024 - yil 18 - martda 5 - talabalar turar joyida ya’ni “Yer resurslari va kadastr” fakultetida “Sumalak sayli” boshlandi. Ushbu Sumalak sayliga fakultetimizning barcha professor -o’qituvchilari va talabalari faol qatnashdilar. “Navro’z” bayrami munosabati bilan “Sumalak sayli” mavzusida fakultetimizning barcha xotin-qizlari hamkorligida tadbir bo’lib o’tdi. Sumalak atrofida barcha talaba-yoshlar xizmat qilib, bayramona kayfiyatda hamda professor-o’qituvchilari ishtirokida o’yin-kulgi ko’tarinki ruhda o’tkazildi. Talabalar doshqozon atrofida milliy o’yinlar, she’riy baytbaraklar bilan faol ishtirok etishdi. Sumalak sayli talabalarda  birdamlik va ahillik hissini uyg‘otish bilan birga - mehr-oqibat, xayru saxovat kabi chin insoniy fazilatlarni shakllantirishga xizmat qiladi.

"YRK" fakulteti Xotin-qizlar masalalari bo'yicha dekan maslahatchisi  Z.Xafizova axboroti

Universitet matbuot xizmati