Temuriylar sulolasining yorqin vakili buyuk sarkarda, mohir qilichboz, davlat arbobi Amir Temur bobomiz tavalludining 687 yilligi munosabati bilan 08.04.2023 yil “TIQXMMI” MTU “Gidromelioratsiya” fakulteti tyutorlari jamoasi U.Usmanov, D.Axrarova, G.Axmedjanova va Z.Tursunovalar tashabbusi bilan 1-2 kurs talabalari ishtirokida “Buyuk bobomizni xotirlab” mavzusida “Amir Temur xiyoboni” va “Amir Temur davlat muzeyi” ga tashrif buyurishdi. Tashrifdan ko’zlangan maqsad Amir Temurning bosib o’tgan yo’llari, Temuriylar sulolasi va Amir Temurning nodir asari “Temur tuzuklari” haqida talabalarga batafsil ma’lumotlar berildi.

Ma’lumot o’rnida: Temur Tarag’ay ibn Barlos 1336-yil 9-aprelda uncha katta bo’lmagan Xo’ja Ilg’or qishlog’ida tug’ilgan. Temur nomi turkiy tildan "temir" deb tarjima qilinib, bu ko'p jihatdan uning irodali fe’l-atvori va kelajakdagi taqdiriga ta’sir ko’rsatgan. U jasur va mard yigit edi, ota-onasi va ustozlari uni haqiqiy jangchi qilib tarbiyalashgandi. Jangda olgan oyog’idagi jarohatlarga qaramay, u juda kuchli qudratga ega edi va oxirgi kunlarga qadar barcha yurish va janglarda shaxsan ishtirok etdi.

XV asr boshlariga kelib Amir Temur ulkan imperiyani tuzdi, uning yer-suvlari Volgadan Kavkazgacha, Markaziy Osiyodan Hindistongacha cho’zilgan edi. Dono qo’mondon sifatida u o’z yerlarini himoya qilish uchun ko’pmingli mukammal qo’shinni tuzdi. Amir Temurning boshqaruvi 35 yil (1370-1405) davom etdi. 1404-yilda Amir Temur O’tror shahridan o’tib, Xitoyga safari paytida birdan kasal bo’lib, to’satdan vafot etdi.

“Gidromelioratsiya” fakulteti tyutori Z.Tursunova axboroti

Universitet matbuot xizmati