“Energetika” fakulteti
Universitet tarixida o‘z o‘rniga ega bo‘lgan “Qishloq
xo‘jaligini elektrlashtirish va avtomatlashtirish” fakulteti 1961 yilda tashkil
topgan bo‘lib, o‘z faoliyatini yangi bosqich sifatida qishloq xo‘jaligi ishlab
chiqarishini elektrlashtirish va texnologik jarayonlarni avtomatlashtirish
yo‘nalishida kadrlar tayyorlashdan boshlagan. 1978 yilda fakultet tarkibidan
qishloq xo‘jaligi ishlab chiqarishini avtomatlashtirish yo‘nalishi alohida
fakultet sifatida ajralib chiqqan va uch yildan so‘ng 1981 yilda qishloq
xo‘jaligini elektrlashtirish va avtomatlashtirish fakulteti bo‘lib qayta
birlashgan.
2004 yil “Qishloq xo‘jaligini elektrlashtirish va avtomatlashtirish” va
“Irrigatsiya va melioratsiya ishlarini mexanizatsiyalash” fakultetlari
birlashtirilib, “Suv xo‘jaligini avtomatlashtirish va mexanizatsiyalash”
fakulteti tashkil etilgan.
2017 yil O‘zbekiston Respublikasi Prezidentining 2017 yil 24 maydagi
«Qishloq va suv xo‘jaligi tarmoqlari uchun muhandis-texnik kadrlar tayyorlash
tizimini tubdan takomillashtirish chora-tadbirlari to‘g‘risida»gi PQ-3003-sonli
qarori asosida Toshkent irrigatsiya va qishloq xo’jaligini mexanizatsiyalash
muhandislari institutida «Qishloq va suv xo‘jaligini elektrlashtirish va
avtomatlashtirish» fakulteti qayta tashkil etilib, uning tarkibiga Toshkent
davlat agrar universitetining tegishli kafedralari, bakalavriat ta’lim
yo‘nalishlari va magistratura mutaxassisliklari kelib qo‘shilgan.
2018 yil O‘zbekiston Respublikasi Prezidentining 2018 yil 8 maydagi
“Toshkent irrigatsiya va qishloq xo’jaligini mexanizatsiyalash muhandislari
institutida oliy ma’lumotli kadrlar tayyorlash tizimini tubdan
takomillashtirish chora-tadbirlari to‘g‘risida”gi PQ-3702-sonli qarori asosida
fakultet nomi «Qishloq va suv xo‘jaligi energiya ta’minoti» deb nomlangan.
2022 yil O‘zbekiston Respublikasi Prezidentining 2021 yil 10
dekabrdagi “Iqtisodiyot tarmoqlari uchun muhandis kadrlarni tayyorlash tizimini
innovatsiya va raqamlashtirish asosida tubdan takomillashtirish
chora-tadbirlari to‘g‘risida”gi PQ-3702-sonli qarori asosida Toshkent
irrigatsiya va qishloq xo’jaligini mexanizatsiyalash muhandislari instituti
universitetga aylandi va “Toshkent irrigatsiya va qishloq xo’jaligini mexanizatsiyalash
muhandislari instituti” Milliy tadqiqot universiteti deb nomlandi. Unga asosan
fakultet nomi “Energitika” deb nomlandi.
Ushbu fakultetning rivojlanishiga O‘zbekiston Respublikasida xizmat
ko‘rsatgan fan va texnika arbobi, professor P.V.Baydyuk, taniqli professorlar
S.M.Majidov, M.F.Zaripov, A.Radjabov, M.Ismoilov, X.M.Muratov. Sh.Muzafarov, A.J.Isakov,
R.T.Gazieva va A.M.Usmanovlar, dotsentlar M.S.Mushkatin, V.I.Sokolov,
I.P.Osika, A.D.Shishkin, M.M.Egamberdieva, M.Ibragimov, T.M.Bayzakov,
A.D.Raxmatov va N.T.Toshpulatovlar katta o‘qituvchilar A.M.Pelipenko,
E.D.Toshev, YU.A.Getman, S.X.Alievlar katta hissa qo‘shganlar. Turli vaqtlarda
fakultetga I.A.Reynike, YU.S.Pershin, N.Z.Zakirov, N.K.Muqumbaev, B.Sh.Fayzullaev,
A.Radjabov, M.Ismailov, X.M.Muratov, A.D.Raxmatov, M.E.Mamedshaxov, Sh.E.Begmatov,
A.X.Voxidov, B.Shaymardonov, B.S.Mirzaev, A.R.Muratov va O.T.Axmedovlar rahbarlik
qilgan. Bugungi kunda fakultetga texnika fanlari doktori, professor Abdusaid
Jalilovich Isaqov rahbarlik qilmoqda. Fakultetda 1000 ga yaqin bakalavr va 100
ga yaqin magistrlar ta’lim olmoqda.
Fakultet O‘zR Fanlar Akademiyasining Energetika muammolari instituti,
Yadro fizikasi ilmiy-tadqiqot instituti, Moskva Energetika instituti, Moskva
Davlat Agroinjenerlik Universiteti, AQShning Nyu Meksiko shtat universiteti,
Kaliforniya shtat universiteti, Chikago universiteti, Texas qishloq xo‘jaligi
va mexanizatsiya universiteti, Buyuk Britaniyaning Oksford universiteti,
Italiyaning Turin politexnika universitet, Polshaning Krakov texnologiya
universiteti, Turkiya davlatining Karabuk universitetilari bilan hamkorlikni
yo‘lga qo‘ygan.
Fakultet bitiruvchilari elektroenergetika tizimlari, suv ta’minoti
nasos stansiyalari, elektr ta’minot tizimlaridagi texnik vositalarning
ekspluatatsiyasi, ta’mirlash, montaji, sozlash va servis xizmat ko‘rsatish,
elektr energiyasini sotish, sarfini me’yorlash, energiya nazorati soxalarida,
texnika va texnologiyalar importi va eksportini amalga oshiradigan injenerlik,
texnikalar marketingi, texnika va texnologiyalar importi va eksporti kabi
sohalarda faoliyat yuritishlari mumkin.
Fakultet tarkibidagi 4 ta kafedrada 60 nafardan ortiq professor-o‘qituvchilar, jumladan, 10 nafar fan doktori, professorlar va 35 nafar fan nomzodi, dotsentlar faoliyat yuritmoqda.
Fakultetda iqtidorli yoshlarni qo‘llab-quvvatlash, ularning bo‘sh vaqtlarini unumli o‘tkazish va Vatanga sadoqat ruhida tarbiyalash ishlari keng yo‘lga qo‘yilgan. Fakultetda kafedralarning etakchi professor-o‘qituvchilari boshchiligida Ustoz-murabbiy tizimi joriy etilgan.
|
KAFEDRALAR: |
|
Elektrotexnologiya va elektr uskunalar
ekspluatatsiyasi; |
|
Elektr ta’minoti va qayta tiklanuvchan energiya
manbalari; |
|
Texnologik jarayonni avtomatlashtirish va
boshqarish; |
|
Elektrotexnika va mexatronika. |
|
BAKALAVRIAT TA’LIM YO’NALISHLARI: |
|
60710500-Elektr muhandisligi; |
|
60711000-Mexatronika va robototexnika ta’lim
yo‘nalishi bo‘yicha; |
|
60710900-Texnologik jarayonlar va ishlab
chiqarishni avtomatlashtirish; |
|
60710400-Energetika muhandisligi; |
|
|
|
MAGISTRATURA MUTAXASSISLIKLARI: |
|
70710704 - Elektrotexnologik jarayonlar va
qurilmalar; |
|
70710407 - Elektr ta’minoti (tarmoqlar bo‘yicha); |
|
70710411 - Muqobil energiya manbalari (qayta
tiklanuvchi energiya); |
|
70711401 - Texnologik jarayonlar va ishlab
chiqarishni avtomatlashtirish; |
|
70810502 - Intellektual o‘lchash tizimlari va
asboblari bo‘yicha kadrlar tayyorlanadi. |
|
DOKTORANTURA IXTISOSLIGI: |
|
05.05.07 - Qishloq xo‘jaligida elektr
texnologiyalar va elektr uskunalar; |
|
05.01.08 - Texnologik jarayonlar va ishlab
chiqarishni avtomatlashtirish; |
|
05.01.06–“Hisoblash texnikasi va boshqaruv
tizimlari elementlari va qurilmalari”; |
|
05.05.06-“Qayta tiklanadigan energiya turlari asosidagi
energiya qurilmalari”. |
Dekanat
60710900-Texnologik jarayonlar va ishlab chiqarishni avtomatlashtirish
60710900 – Texnologik jarayonlar va ishlab chiqarishni avtomatlashtirish va boshqarish (suv xujaligida) taʼlim yoʻnalishi boʻyicha bitiruvchilar suv xoʻjaligi ishlab chiqarishida yuqori unumdorlikka ega texnologik jarayonlar, apparatlar va jihozlar va ularni nazorat qilish, rostlash va boshqarish tizimlari, ularni sozlash, ekspluatatsiya qilish usullari va vositalari, shuningdek nazorat, rostlash va boshqarish tizimlarining loyiha hujjatlari, taʼlim jarayonida mos kasb-hunar kollejlaridagi oʻquv-tarbiya jarayonida faoliyat olib borishlari mumkin.
60710400-Energetika muhandisligi
60710400-Energetika muhandisligi bakalavriat taʼlim yoʻnalishi boʻyicha bitiruvchilar davlat va nodavlat tashkilot, korxona va muassasalar, kompaniyalar (firmalar), ishlab chiqarish birlashmalari va soha korxonalarida muhandis-energetik. Bunda tashqari pedagogik qayta tayyorlashdan oʻtgan taqdirda, professional taʼlim muassasalarida taʼlimning vakolatli boshqaruv organlari tomonidan aniqlanadigan umumkasbiy va ixtisoslik fanlarini oʻqitish boʻyicha pedagogik faoliyati bilan shugʻullanish huquqiga ega boʻladi.
60710500-Elektr muhandisligi
60710500-Elektr muhandisligi taʼlim yoʻnalishi bitiruvchilari ilmiy-tadqiqot, loyiha-konstruktorlik, ekspluatatsion va texnik servis, texnologik-ishlab chiqarish, tashkiliy-boshqaruv tizimida xususan, ushbu taʼlim yoʻnalishlarini bitiruvchilari elektroenergetika tizimlari, elektr taʼminoti tarmoqlari, ichki irrigatsiya-melioratsiya tizimlari, suv taʼminoti tarmoqlarining energetik tizimlari, noanʼanaviy energiya manbalari va tizimlari, elektrotexnologik uskunalar, elektrotexnik qurilmalarni ekspluatatsiyalash jarayonlari, ilmiy tadqiqot jarayonlari, elektr qurilmalarni taʼmirlash, sozlash va texnik xizmat koʻrsatish tizimlari muxandis elektrik lavozimida faoliyat yurtishlari mumkin.
60711000-Mexatronika va robototexnika ta’lim yo‘nalishi bo‘yicha
60711000-Mexatronika va robototexnika ta’lim yo‘nalishi bo‘yicha, bitiruvchilar ushbu taʼlim yoʻnalishi boʻyicha bakalavr kasbiy faoliyatining obyektlari boʻlib mahsulot ishlab chiqaradigan robotlashtirilgan korxonalar, texnika va texnologiyalar importi va eksportini amalga oshiradigan injenerlik kompaniyalari, mexatron tizimlar ekspluatatsiyasi va ularning sifatini nazorat qilish, robototexnik mahsulotlar va yangi ishlanmalarni sinash, loyihalash va injenerlik dizayni, yangi innovatsion texnika va texnologiyalar importi va eksporti boʻyicha xalqaro loyihalarni boshqarish kabi sohalarda faoliyat yuritadi.
70710411 - Muqobil energiya manbalari (qayta tiklanuvchi energiya)
70710704 - Elektrotexnologik jarayonlar va qurilmalar
70710407 - Elektr ta’minoti (tarmoqlar bo‘yicha)
70711401 - Texnologik jarayonlar va ishlab chiqarishni avtomatlashtirish
70810502 - Intellektual o‘lchash tizimlari va asboblari bo‘yicha kadrlar tayyorlanadi
Boshqa ma'lumot
Veb-sayt: https:tiiame.uz
Fakultet dekani: Isaqov Abdusaid Jalilovich
Qabul kunlari: Chorshanba, Juma: 10:00-13:00