14/01/2022

Bo'sh ish o'rinlari



“Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti (“TIQXMMI” MTU) transformatsiya va strategik rivojlanish bo‘yicha prorektor lavozimiga ishga taklif qiladi: 

Vakansiya O‘zbekiston Respublikasi Prezidentining 2021 yil 10 dekabrdagi 42-sonli qaroriga muvofiq “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universitetida Transformatsiya va strategik rivojlanish bo‘yicha prorektor lavozimi ochilgan. 

Lavozim haqida qisqacha tavsif va majburiyatlar. Transformatsiya va strategik rivojlanish bo‘yicha prorektor lavozimi quyidagi vazifa va majburiyatlarni o‘z ichiga oladi:
 -mavjud an’anaviy universitetni jahon andozalari darajasidagi tadqiqot universitetiga aylantirish bo‘yicha ish rejasini ishlab chiqish va uni amalga oshirish jarayoniga rahbarlik qilish;
- universitetning strategik rivojlanish rejasini ishlab chiqish va amalga oshirishda ishtirok etish; 
-universitet faoliyatini nufuzli xorijiy universitetlar faoliyatiga transformatsiya qilish;
- universitetning o‘quv hamda ilmiy dasturlari va resurslarini xalqarolashtirishni targ‘ib qilish;
- xalqaro ilmiy, ta’lim va salohiyatni oshirish yo‘nalishlaridagi grantlar va IT startup  loyihalari bo‘yicha takliflar ishlab chiqish va universitetga sarmoya jalb qilish faoliyatida faol ishtirok etish;
-universitet boshqaruv tizimi hamda o‘quv va ilmiy-tadqiqotlarni tashkil etish jarayonlari, kutubxona faoliyati va hujjatlar aylanmasini raqamlashtirishga asos bo‘luvchi “Raqamli Universitet” platformasini ishlab chiqish va uning faoliyatini ta’minlash;
-jahondagi ilg‘or tajribalarni o‘rganib borish va ularni o‘z faoliyatida ishlab chiqarishga joriy etish choralarini ko‘rish;
-universitet huzuridagi ta’lim tashkilotlariga tashkiliy ishlarda tegishli yordam va maslahatlar berish xizmatini ko‘rsatishni tashkil qilish hamda amalga oshirish;
 -  OTM rahbariyati bilan hamkorlikda universitet boshqaruvi, oliy ta’lim, qishloq va suv ho‘jaligi, global atrof muxit, yer haqidagi fanlar, shuningdek, muhandislik va barqaror iqtisodiy taraqqiyot kabi sohalarda  ilmiy-tadqiqot faoliyatlarini  amalga oshirishda ishtirok etish.

     Nomzod ega bo‘lishi lozim bo‘lgan  malakalar:
- dunyodagi QS, Times Higher Education, Academic Ranking of World Universities reyting agentliklarining birida e’lon qilingan  TOP 300 universitetlarda PhD yoki DSc ilmiy darajasiga ega  bo‘lishi 
- tegishli sohada xalqaro scopus va web of science (Q1, Q2) jurnallarda chop etilgan maqolalari bo‘lishi va N indeksi 5dan yuqori bo‘lishi
- universitet boshqaruvi bo‘yicha ilg‘or xorijiy oliy ta’lim muassasalarida to‘plangan muayyan tajriba;
-suv, ekologiya va qishloq xo‘jaligi  sohalari bo‘yicha oliy ta’lim va ilmiy tadqiqotlar sifatini ta’minlash bo‘yicha puxta  bilim;
- fanlararo va aniq fanlar bilan ishlash qobiliyati 
-oliy ta’lim, tadqiqot va ishlanmalarni transferi bo‘yicha  loyihalarni ishlab chiqish va boshqarish qobiliyati 
- “TIQXMMI” MTUning asosiy ustuvor yo‘nalishlari faoliyatini  anglash 

Tillarni bilish talabi:
 Ingliz tilida ravon og‘zaki va yozma nutq qobiliyatlariga ega bo‘lish. O‘zbek   tilini bilish ko‘nikmalari barobarida rus tilini egallaganlik  qadrlanadi.
  
 Tanlovda ishtirok etish:
 Tanlovda ishtirok etish uchun ariza,   tavsiya beruvchi shaxslarning ismi sharifi ko‘rsatilgan 2 ta tavsiyanoma, talabgorning yangilangan “Rezyume” si va so‘ralgan ish tajribalarini ko‘rsatuvchi ishlari haqida yozma ma’lumotlarni jo‘natish so‘raladi. Ariza va so‘ralgan hujjatlarni 2022 yil 28 yanvariga qadar  pepiwm@tiiame.uz  elektron pochta manziliga yuborish so‘raladi.  Ariza “TIQXMMI” MTU  prorektorlik lavozimi sarlavxasi bilan yuborilsin.
Taqdim etilgan hujjatlar tahlili asosida tanlangan va qisqa ro‘yxatga kiritilgan nomzodlar “TIQXMMI” MTU  Boshqaruv Kengashi vakillari bilan suhbatga taklif qilinadi.

        “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti (“TIQXMMI” MTU) muhandislik (irrigatsiya, suv ho‘jaligi, atrof-muhit, elektrlashtirish va avtomatlashtirish, qishloq xo‘jaligini mexanizatsiyalash), yer resurslarini boshqarish, qishloq xo‘jaligi iqtisodiyoti, menejment va marketing kabi sohalarda o‘zining 100 yillik an’analari va ilg‘or  dasturlari orqali tanilgan, birinchi darajali akademik va tadqiqot universiteti  hisoblanadi. 
   
“TIQXMMI” MTU missiyasi: Suv va qishloq xo‘jaligi saloxiyatini rivojlantirish hamda oliy ta’lim xizmatlari, tadqiqotlar va innovatsiyalar global bozorida Markaziy Osiyoning oliy ta’limi va fani nufuzini oshirishdan iborat. 

     “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti haqidagi batafsil ma’lumotni  https://tiiame.uz sahifasi orqali olishingiz mumkin.