Seysmik xavfsizlik sohasida Turkiya tajribasi
O‘zbekiston Respublikasi Prezidentining 2022 yil 30 maydagi “O‘zbekiston Respublikasining seysmik xavfsizligini ta’minlash tizimini yanada takomillashtirish chora-tadbirlari to‘g’risida”gi PF-144-son Farmonining 18-bandiga muvofiq seysmik xavfsizlikni ta’minlash bo‘yicha Seysmik xavfsizlik sohasida Turkiya tajribasini oʻrganish uchun O‘zbekiston Respublikasi Prezidenti Administratsiyasi, Vazirlar Mahkamasi, Qurilish vazirligi, Fanlar akademiyasi va Oliy ta’lim muassasalari mutaxassislaridan tuzilgan Oʻzbekiston ekspertlar delegatsiyasida “Mexanika va kompyuterli modellashtirish” kafedrasi dotsenti E.Toshmatov 2023 yil 16-22 oktyabr kunlari Anqara-Izmir-Istambul shaharlarida joylashgan Favqulodda vaziyatlar va favqulodda vaziyatlarni boshqarish boshqarmasiga (AFAD) tashrif buyurib kuchli zilzilalar sodir bo'lgan taqdirda favqulodda vaziyatlarni bartaraf etish bilan shug'ullanadigan avariya-dispetcherlik xizmatlari, zilzilaga tayyorgarlik ko'rish bo'yicha normativ-huquqiy baza, kompleks axborot-kommunikatsiya texnologiyalari va butun mavjud tizim bilan tanishdi.
Anqara Yaqin Sharq Texnika Universiteti, Izmir Dokuz Eylul universiteti Zilzilalarni oʻrganish va tadbiq etish markazi, Istambul tenika universiteti va Qandilli rasadxonasi va zilzila tadqiqot institutlarida seysmologiya soxasidagi ilg’or tajribalar, zilzilaga nazariy va amaliy tayyorgarlik ko‘rish tartibi, aniq usul va vositalar, inshootlarning zilzilabardoshligini va mustahkamligini baholash bo’yicha olimlarning olib borayotgan ilmiy tadqiqot ishlari bilan yaqindan tanishdi.
Universitet matbuot xizmati