Doktorantura

Toshkent irrigatsiya va qishloq xo‘jaligi mexanizatsiyalash muhandislari instituti  quyidagi ixtisosliklar bo‘yicha 2021 yil uchun tayanch doktorantura va doktoranturani hamda mustaqil izlanuvchilikka  QABUL E’LON QILADI

TAYANCH DOKTORANTURA VA DOKTORANTURAGA:  (ishlab chiqarishdan ajralgan holda o‘qish uchun)

Talab qilinadigan hujjatlar:

Tayanch doktoranturaga:

• ariza;
• qisqacha biografik ma’lumotnoma;
• mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
• oliy ta’lim muassasasi magistraturasi diplomi, oliy - ma’lumot (mutaxassislik dasturlari bo‘yicha) to‘g‘risidagi diplom nusxasi;
• nashr etilgan ilmiy ishlar ro‘yxati, shuningdek ularning nusxalari (falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy natijalar, shu jumladan ilmiy jurnallarda chop etilgan kamida bitta maqola hamda tegishli yo‘nalishlar bo‘yicha ikkitadan kam bo‘lmagan ilmiy ishlar to‘plamlariga kiritilgan ma’ruza tezislariga ega bo‘lgan ishlar takdim etiladi)

Doktoranturaga:

• ariza;
• qisqacha biografik ma’lumotnoma;
• mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
• oliy ma’lumot, fan nomzodi yoxud falsafa doktori (PhD) yoki xorijiy davlatlarda unga tenglashtirilgan ilmiy darajaga ega bo‘lganligi to‘g‘risidagi diplom nusxasi;
• tadqiqot mavzusi bo‘yicha ilmiy ma’ruza va fan doktori (DSc) ilmiy darajasini olish uchun tayyorlangan doktorlik dissertatsiyasi rejasining mufassal loyihasi; nashr etilgan ilmiy ishlar ro‘yxati, shuningdek ularning nusxalari ( fan nomzodi yoki falsafa doktori (PhD) ilmiy darajasi yoxud ularga tenglashtirilgan boshqa ilmiy darajalar olgandan so‘ng muhim ilmiy yutuqlarga erishgan, shu jumladan, fan doktori (DSc) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy jurnallarda chop etilgan kamida uchta ilmiy maqola hamda ilmiy-amaliy konferensiyalar, seminarlar va tegishli ilmiy yo‘nalishlar bo‘yicha ilmiy ishlar to‘plamlarida kamida ikkita tezisga ega bo‘lgan ishlar takdim etiladi).

Mustaqil izlanuvchilikka:

• qisqacha biografik ma’lumotnoma;
• falsafa doktori (PhD) ilmiy darajasini olish uchun mustaqil izlanuvchi sifatida rasmiylashtirish uchun magistrlik yoki oliy ma’lumot (mutaxassislik dasturi bo‘yicha) to‘g‘risidagi diplom nusxasi;
• mehnat daftarchasining belgilangan tartibda tasdiqlangan nusxasi;
• ilmiy ishlar ro‘yxati va ularning nusxasi;
• fan doktori (DSc) ilmiy darajasini olish uchun mustaqil izlanuvchi sifatida rasmiylashtirish uchun fan nomzodi yoki falsafa doktori (PhD) diplomi yoki xorijda olingan unga tenglashtirilgan boshqa ilmiy darajalar diplomi nusxasi;
• ish joyidan tavsifnoma.

Hujjatlar 2020 yilning 15 oktyabriga qadar qabul qilinadi.

Manzil: Toshkent shahar, Qori-Niyoziy ko‘chasi, 39. Toshkent irrigatsiya va qishloq xo‘jaligini mexanizatsiyalash muhandislari instituti

Ma’lumot uchun telefonlar: (8-371) 237-09-46, 237-19-61.