“TIIQXMMI” Milliy Tadqiqot Universiteti tayanch doktoranti Nankin shahrida o‘tkazilgan “Belt and Road” xalqaro forumida spiker sifatida ishtirok etdi

17.09.2026

#Ta`lim #Xalqaro hamkorlik #Yangilik

2026-yil 2–4-sentabr kunlari Xitoy Xalq Respublikasining Nankin shahri, Jiangsu provinsiyasida “Second Belt and Road Forum on People-to-People Connectivity” xalqaro forumi bo‘lib o‘tdi. Forum Western Returned Scholars Association (WRSA) tomonidan tashkil etilib, “Bridging Hearts Along the Silk Road, Forging Consensus in Nanjing — Strengthening People-to-People Connectivity for a Shared Belt and Road Community” mavzusiga bag‘ishlandi. Tadbirda “Belt and Road” hamkor davlatlaridan 150 dan ortiq davlat, diplomatik, biznes va akademik doira vakillari ishtirok etdi.

Mazkur nufuzli xalqaro tadbirda “TIIQXMMI” Milliy Tadqiqot Universiteti “Gidravlika va gidroinformatika” kafedrasi tayanch doktoranti Jalilova Xumora Abdumo‘min qizi taklif etilgan spiker sifatida qatnashdi.

Forum doirasida Jalilova Xumora “People’s Well-being and Industrial Cooperation: The Human-Centred Impact of ‘Small and Beautiful’ Projects” mavzusidagi II parallel sessiyada ma’ruza qildi. Ushbu sessiyada u “Smart and Sustainable Water Management for Agricultural Development: Small Projects, Big Impact” mavzusidagi taqdimoti orqali O‘zbekistonda qishloq xo‘jaligi suv resurslarini samarali boshqarish, raqamli texnologiyalar, GIS va masofadan zondlash, suv tejovchi sug‘orish texnologiyalari hamda ilmiy ishlanmalarni amaliyotga joriy etish bo‘yicha olib borilayotgan ishlarni xalqaro auditoriyaga taqdim etdi. Jalilova Xumoraning aynan II parallel sessiyada ma’ruza bilan ishtirok etishi forumning rasmiy taklifnomasida ham belgilangan.

Uch kunlik tashrif faqat spikerlik bilan cheklanib qolmadi. Forum “TIIQXMMI” Milliy Tadqiqot Universitetining xalqaro ilmiy aloqalarini kengaytirish, yangi hamkorlik yo‘nalishlarini muhokama qilish va professional tarmoqni rivojlantirish uchun ham muhim platforma bo‘ldi. Xususan, tashrif davomida Xitoy Fanlar akademiyasi vakillari va institut rahbarlari bilan ilmiy muloqotlar olib borilib, suv resurslarini boshqarish, zamonaviy sug‘orish texnologiyalari, raqamlashtirish va qo‘shma tadqiqotlar bo‘yicha istiqboldagi hamkorlik imkoniyatlari muhokama qilindi.

Shuningdek, Xitoyning turli provinsiyalari, Malayziya va Afrika davlatlaridan tashrif buyurgan olimlar, mutaxassislar va forum ishtirokchilari bilan yangi professional aloqalar o‘rnatildi. Muloqotlar davomida kelgusida qo‘shma ilmiy tadqiqotlar olib borish, xalqaro loyihalarda hamkorlik qilish, tajriba almashish, akademik mobillik va qo‘shma ilmiy nashrlar tayyorlash imkoniyatlari yuzasidan fikr almashildi.

Forum dasturidan ilmiy va professional networking bilan bir qatorda, turli mamlakatlar vakillari o‘rtasida people-to-people connectivity, yoshlar hamkorligi, madaniyatlararo almashinuv va “Belt and Road” doirasidagi amaliy hamkorlikni rivojlantirish masalalari ham o‘rin oldi. Forumning asosiy dasturi 3-sentabr kuni ochilish marosimi, asosiy ma’ruzalar va uchta parallel sessiyani qamrab olgan.

Mazkur xalqaro forumda “TIIQXMMI” Milliy Tadqiqot Universiteti vakilining spiker sifatidagi ishtiroki, O‘zbekiston tajribasining xalqaro maydonda taqdim etilishi hamda tashrif davomida shakllantirilgan yangi ilmiy aloqalar universitetning xalqaro nufuzini mustahkamlash, ilmiy hamkorlik geografiyasini kengaytirish va kelgusidagi qo‘shma loyihalar uchun yangi imkoniyatlar yaratishga xizmat qiladi.