Hamkorlik muzokaralari

11.09.2026

#Ta`lim #Xalqaro hamkorlik #Ma`naviy va tashkiliy

"Iqtisodiyot" fakulteti, "Iqtisodiyot" kafedrasi tashabbusi bilan 10-sentabr kuni Xitoyning Tsinghua universiteti bilan hamkorlik muzokaralari bo'lib o'tdi. Uchrashuvda ikki oliy ta'lim muassasasi o'rtasida qo'shma ilmiy-tadqiqot loyihalarini ishga tushirish masalalari muhokama qilindi.

Muzokaralar davomida quyidagi yo'nalishlar bo'yicha hamkorlik istiqbollari ko'rib chiqildi:

• Xitoy tajribasi asosida yuqori texnologiyalar yordamida iqtisodiy o'sishni ta'minlash modellari;

• qishloq xo'jaligi sohasini raqamlashtirish va yetkazib berish zanjirlarini takomillashtirish;

• quruq iqlim sharoitida suv resurslaridan foydalanish huquqlari savdosi va "yashil" moliyalashtirish mexanizmlari;

• suv xo'jaligi va qishloq xo'jaligi iqtisodiyoti yo'nalishida EMBA/DBA dasturlarini yo'lga qo'yish.

Uchrashuvda institutimiz vakillari qatorida ishtirok etib, birinchi bosqichda amalga oshiriladigan qo'shma loyihalar mavzularini tanlash jarayonida mazmunli suhbat bo'lib o'tdi.

Hamkorlik "Bir maqsad — bir yo'l" tashabbusi doirasida O'zbekiston va Xitoy o'rtasidagi ilmiy-ta'lim aloqalarini yanada mustahkamlashga xizmat qiladi.

  Universitet matbuot xizmati