Hamkorlikni rivojlantirish yo‘lida

22.05.2026

#Xalqaro hamkorlik

Joriy haftada Rossiya Federatsiyasining Buyuk Petr nomidagi Sankt – Peterburg politexnika universitetining professor – o‘qituvchilari “Transport” oliy maktabi dotsenti Plotnikov Dmitriy Georgiyevich va “Tizimli dinamika” laboratoriyasi ilmiy xodimi, “Transport jarayonlari imitatsion modellashtirish” onlayn kursi muallifi va koordinatori Aushra Vladovna Banitelar Gidromelioratsiya ishlarini mexanizatsiyalashtirish magistratura mutaxassisligi “Muhandislik logistikasi va modellashtirish” fani dasturi doirasida Anylogic dasturiy ta’minot tizimini qo‘llagan holda logistik jarayonlar (ishlab chiqarish, transport va omborxona jarayonlari) ni modellashtirishga bag‘ishlangan qator amaliy mashg‘ulotlar olib borishdi.

Bundan tashqari kelajakda «Muhandislik logistikasi va modellashtirish» fanidan imitatsion modellashtirish dasturlaridan foydalanish ko‘lamini oshirish, “Texnologik mashinalarni loyihalash asoslari” fani doirasida mashina konstruksiyalarini kompyuterda modellashtirish dasturlari (Femap/Ansys) ni qo‘llash, hamkorlikda qurilish texnikalari parkini yonilg‘i-moylash materiallari bilan ta’minlashni dinamik boshqarish, uzluksiz monitoring ma’lumotlari asosida qurilish texnikalari texnik holatini bashorat qilish, qurilish texnikasi quvvatidan samarali foydalanish uchun ish siklini optimal boshqarish yo‘nalishlari bo‘yicha ilmiy-tadqiqot ishlari olib borish bo‘yicha yo‘l haritasi ishlab chiqildi.

Tashrif doirasida mehmonlar universitetimiz o‘quv ishlari bo‘yicha prorektor Baxtiyor Alimovich Xudayarov bilan uchrashib, davra suhbati o‘tkazildi. Unda ta’lim jarayonida raqamli texnologiyalardan foydalanish, ishlab chiqarish sohalarida logistik jarayonlarini modellashtirishning ahamiyati va hamkorlikda universitetda raqamli logistika ta’lim yo‘nalishini ochish hamda kafedralararo ikki tomonlama malaka oshirish va akademik mobillikni rivojlantirish bo‘yicha  qator vazifalar muhokama qilindi. Mehmonlarga universitetimiz ramzlari tushirilgan esdalik sovg‘alari topshirildi va o‘zarohamkorlikni rivojlantirish yo‘lidagi xizmatlari uchun minnatdorchilik bildirildi.

 

GIM kafedrasi mudiri B.X.Norov ma’lumoti