“TIQXMMI” MTU professor-o‘qituvchilari tomonidan Yoshlarni oliy ta’limga jalb qilish mexanizmi mavzusida master-klass o‘tkazildi.

19.05.2026

#Ma`naviy va tashkiliy #Ta`lim #Yangilik

Toshkent viloyati O‘rta Chirchiq tumani Gʻalabotir mahallasida joylashgan 29-maktabda bitiruvchi yoshlarni oliy ta’limga jalb qilish, ularning kasb tanlash bo‘yicha bilim va ko‘nikmalarini oshirish maqsadida amaliy master-klass tashkil etildi. Maktab direktori Umarov Baxtiyor Umarovich ishtirok etib, yoshlarning zamonaviy bilim egallashi, yurt ravnaqi uchun munosib kadr bo‘lib yetishishida oliy ta’lim muassasalarining o‘rni muhim ekanligini ta’kidladi.

Mazkur uchrashuvda “TIQXMMI” Milliy Tadqiqot Universiteti ning “Irrigatsiya va melioratsiya” kafedrasi professor-o‘qituvchilari I.Begmatov, Sh.Botirov hamda M.Hayitova tomonidan 11-sinf o‘quvchilari uchun maxsus master-klass o‘tkazildi.

Tadbir davomida o‘quvchilarga irrigatsiya va melioratsiya sohasining bugungi kundagi ahamiyati, suv resurslaridan samarali foydalanish, qishloq xo‘jaligida innovasion texnologiyalarni qo‘llash hamda sohadagi zamonaviy kasblar haqida atroflicha ma’lumotlar berildi.

Shuningdek, universitetda yaratilgan imkoniyatlar, ta’lim yo‘nalishlari, talabalar uchun shart-sharoitlar va kelajakdagi mehnat bozoridagi ehtiyojlar haqida tushuntirish ishlari olib borildi.

Uchrashuv interaktiv savol-javoblar, amaliy misollar va qiziqarli taqdimotlar asosida tashkil etildi. O‘quvchilar o‘zlarini qiziqtirgan savollarga mutaxassislardan batafsil javob olib, kelajakdagi ta’lim yo‘nalishlari bo‘yicha muhim tavsiyalarga ega bo‘lishdi.

Bunday ma’rifiy tadbirlar yoshlarning ilm-fanga qiziqishini oshirish, ularni ongli ravishda kasb tanlashga yo‘naltirish hamda mamlakatimizda malakali mutaxassis kadrlar tayyorlashga xizmat qilishi bilan ahamiyatlidir.