Ma’lumki keyingi yillarda iqlim keskin o‘zgarishi hisobiga qishloq xo‘jaligi ekinlarini suv bilan ta’minlash bugungi kunning dolzarb muammolaridan biri hisoblanadi. “O‘zbekiston–2030” strategiyasi ijrosi doirasida suv resurslaridan samarali foydalanish, irrigatsiya infratuzilmasini modernizatsiya qilish va qishloq xo‘jaligi yerlarini barqaror suv bilan ta’minlashga qaratilgan ishlar izchil davom etmoqda.

Bugungi kunda Farg‘ona viloyatining 370 ming gektar sug‘oriladigan yer maydoni bo‘lib, yiliga 3,4 mlyard. m3 suv sarflanadi, suvni yo‘qotilishi 30 foizni, bugungi kungacha suv tejovchi texnologiyalarni joriy qilish 51 foizni tashkil etadi. 2026 yil ushbu ko‘rsatkichni 41 ming gektar maydonga chiqarib, ilmiy asoslangan suv tejovchi texnologiyalarni joriy qilishni 70 foizga yetkazish uchun tuman fermerlari, klasterlari bilan seminarlar tashkil etilib, bunda yerlarning meliorativ holati, mexanik tarkibiga qarab tomchilatib, yomg‘irlatib, tuproq ostidan, pulsar va lazerli texnologiyalar qo‘llash orqali 392 mln m3 suv tejalishiga erishamiz.

Farg‘ona viloyatda 3 ta suv ombori (suv resurslarining 51 foizi Norin-Sirdaryo, 15 foizi Qoradaryo, 24 foizi mahalliy soylar, 6 foizi yer osti hamda 4 foizi kollektor suvlariga to‘g‘ri keladi), 6214 km xo‘jaliklararo, 12398 km ichki sug‘orish tarmoqlari, 168 dona davlat hisobidagi nasos stansiyalar, 3589 dona tik quduqlar va nasos agregatlari hamda 15057 km kollektor drenaj tarmoqlari mavjud.

O‘zbekiston Respublikasi Prezidentining 2026 yil 2 apreldagi “Qishloq va suv xo‘jaligi muhandislarini tayyorlash tizimini yanada takomillashtirish chora-tadbirlari to‘g‘risida” PQ-122-son qarorining Viloyat hokimligi, Ilmiy maslahatchi, Boshqaruv samaradorligi agentligi va irrigatsiya tizimlari havza boshqarmasi bilan birgalikda 2026 yil 11 maydan boshlab 46 nafar talabaning dual ta’lim asosida amaliyot o‘tashiga zarur shart-sharoitlar yaratadi.

Bunda:

– qishloq xo‘jaligini mexanizatsiyalash sohasi bo‘yicha 15 nafar, suv xo‘jaligi sohasi bo‘yicha 9 nafar, gidrotexnika inshootlari qurilishi va gidroenergetika sohasi bo‘yicha 22 nafar talaba amaliyot o‘taydi;

– har bir talaba aniq obyektlarga (kanal, nasos stansiyasi, gidrotexnika inshootlariga) biriktiriladi va unga tajribali mutaxassis “ustoz” qilib belgilanadi.

– “Ustoz–shogird” an’analari asosida talabalarga real ish jarayoni o‘rgatiladi, ularni yashash, ovqatlanish va xavfsizlik vositalari bilan ta’minlash bo‘yicha sharoitlar yaratiladi.

Joriy yilning 27-28 aprel kunlari Farg'ona viloyatining  “Sirdaryo So‘x irrigatsiya tizimlari havza boshqarmasi” huzuridagi “Suvchilar maktabida” Farg'ona davlat universitetining “Agrar qo'shma” fakultetining “Tuproqshunoslik” kafedrasi professori, qishloq xo'jaligi fanlari doktori Zakirova Sanoatxon Homdomovna hamda shu universitetning 4-kurs “Tuproqshunoslik” yoʻnalishi talabalari bilan Farg'ona viloyati xokimining “Qishloq va suv xo‘jaligi bo‘yicha” Ilmiy maslahatchisi, “Toshkent irrigatsiya va qishloq xo'jalignii mexanizatsiyalash muhandislari institute” Milliy tadqiqot universitetining  “Irrigatsiya va melioratsiya” kafedrasi professori, qishloq xo'jaligi fanlari doktori Isayev Sabirjan Xusanbayevich bilan “Tuproqshunoslik” yoʻnalishi talabalar bilan tadbir davomida yurtimizda so‘nggi yillarda olib borilayotgan keng ko‘lamli islohotlar, davlat siyosatining ustuvor yo‘nalishlari, shuningdek, suv xo‘jaligi sohasida amalga oshirilayotgan yangilik va o‘zgarishlar xususida atroflicha ma’lumotlar berildi. Shu bilan birga, DUAL ta’lim bo‘yicha qisqacha ma’lumotlar berildi hamda talabalarni dual ta’limda faol ishtirok etishga undash masalalariga ham alohida e’tibor berishligi ta’kidladi hamda dual ta’limda faol ishtirok e’tib o‘z olgan bilimlari asosida keyinchalik ish bilan ta’minlanishiga zamin yaratilishi haqida ma’lumotlar berildi.