Hamkorlikning yangi bosqichlari – buyuk petr nomidagi Sankt – Peterburg politexnika universiteti vakillari tashrifi

30.04.2026

#Ma`naviy va tashkiliy #Ta`lim #Yangilik

Gidromelioratsiya fakulteti “Gidromeliorativ ishlarni mexanizatsiyalash” kafedrasi taklifiga asosan universitetimizga Rossiya Federatsiyasining Buyuk Petr nomidagi Sankt – Peterburg politexnika universiteti vakillari: xalqaro ta’lim muassalariaro hamkorlik bo‘limi boshlig‘i Belyayevskaya Yekaterina Anatolyevna va “Transport” oliy maktabi dotsenti Plotnikov Dmitriy Georgiyevichlar tashrif buyurishdi.

Universitetda tashkil etilgan davra suhbatida xalqaro hamkorlik bo‘limi boshlig‘i Sherzod Qosimovich Rahmonov, Gidromelioratsiya fakulteti dekani Javlonbek Qurbanbayevich Ishchanov va kafedra mudiri Begmat Xolmatovich Norovlar ishtirok etishdi.

Dastlab mehmonlarga universitetimiz haqida qisqacha ma’lumot berildi. Mehmonlar vakili universitetimizda so‘nggi yillarda olib borilayotgan islohotlar, uning xalqaro arenadagi mavqei hamda o‘zaro hamkorlikni yuqori baholab, qisqacha Buyuk Petr nomidagi Sankt – Peterburg politexnika universiteti va xalqaro ta’lim muassasalariaro hamkorlikning imkoniyatlari haqida ma’lumot berib o‘tdi.

Universitetlararo hamkorlikning hozirgi kuni, erishilgan natijalar tahlil qilindi. Kelajakda hamkorlikning yo‘nalish hamda rejalari, jumladan, gidrotexnika inshootlari qurilishi, gidroenergetika, robototexnika,   uchuvchisiz uchish apparatlari, tiklanuvchi energiya manbalari, materialshunoslik, mashinasozlik va qator sohalarda  hamkorlikda ilmiy-tadqiqolar olib borish, akademik mobillik hamda professor-o‘qituvchilar stajirovkasi, ularni qayta tayyorlash va o‘quv jarayoniga professor-o‘qituvchilarni jalb qilish masalalarida qilinishi lozim bo‘lgan vazifalar belgilab olindi.

Davra suhbati qiziqarli va mazmunli o‘tdi.

 GIM kafedrasi mudiri B.X.Norov ma’lumoti