1976-1981 yillarda «Gidromelioratsiya» fakultetida tahsil olgan bitiruvchilarning 45 yildan so‘ng uchrashuv

07.04.2026

#Ma`naviy va tashkiliy #Yangilik

2026 yilning 4 aprel kuni «TIQXMMI» Milliy tadqiqot universitetida  1976-1981 yillarda «Gidromelioratsiya» fakultetida tahsil olgan bitiruvchilarning  45 yildan so‘ng uchrashuvlari  bo‘lib o‘tdi. Bu uchrashuv Milliy tadqiqot  universitetida o‘tkazilayotgan “Navro‘z”   bayrami  tadbirlari bilan o‘zaro uyg‘unlashib ketdi. Qutlug‘  uchrashuviga 60 dan ortiq  bitiruvchilar ishtirok etdilar. Tashrif davomida mehmonlarga fakultet dekani J.Q. Ishchanov hamda professorlar R.R. Ergashev va B.Sh. Matyakubovlar hamrohlik qilishdi.  Bitiruvchilar so‘nggi  yillarda  universitet jamoasining   erishilgan yutuqlardan hayratda ekanliklarini bildirishdi. Ayniqsa, universitetning tarixiy va zamonaviy muzeylari, axborot-resurs markazida (kutubxona) talabalar uchun yaratilgan keng imkoniyatlar hamda Abdulla Oripov muzeyining tashkil etilganligi ularda juda katta tassurot qoldirdi.  

Universitetning majlislar zalida rektor Mirzaev Bahodir Suyunovich bilan o‘tkazilgan samimiy uchrashuv va universitet istiqboli haqidagi qisqacha taqdimot bitiruvchilar qalbidan chuqur joy oldi. Shuningdek, mazkur tadbirga bitiruvchilarning suyukli ustozlari - professor M.R. Bakiev, professor B.K. Saliev, dotsentlar: Halima Rahmatova va Baxtiyor Qodirovlar taklif etildi. Ustozlar o‘z shogirdlari bilan faxrlanishlarini ta’kidlab, samimiy va iliq fikrlarini o‘rtoqlashdilar. Bitiruvchilar so‘zga chiqib, ushbu uchrashuvni yuqori darajada tashkil etilganligini  ta’kidlab o‘tdilar va   Gidromelioratsiya fakultetida ta’lim olayotgan talabalarga Tennis stolini esdalik sovg‘a sifatida taqdim etdilar.