Ichki turizmni rivojlantirish bo‘yicha sayohat uyushtirildi.

26.03.2026

#Ma`naviy va tashkiliy #Yangilik

Joriy yilning  mart oylarida “Gidromelioratsiya” fakulteti “Professional ta’lim”  kafedrasi professor o‘qituvchilari tomonidan Xorazm viloyatining turizm salohiyatini, xususan  Urganch va Xiva (Ichan-qal’a) yo‘nalishlarida ichki turizmni rivojlantirish bo‘yicha sayohat uyushtirildi. Sayoxat davomida «Arda Xiva» majmuasi va Ichan-qal’a markazidagi bir qancha muzeylarga tashrif amalga oshirildi.  

Xorazmning so‘nggi buyuk xonlaridan biri, shoir va musiqashunos Feruz Muhammad Rahimxon II madrasasi hamda uning hayot yo‘liga bag‘ishlangan muzeyгa sayohat uyushtirildi. Тarixning jonli sahifalari sari sayohat Muhammad Rahimxon II madrasasi va muzeyi bizni Xorazmning oltin davriga yetakladi. Shoir va kompozitor Feruzning ma’rifatparvarlik ruhini har bir eksponatda his etish mumkin. Uning shaxsiy qo‘lyozmalari, noyob suratlar va mintaqadagi ilk matbaachilik namunalari o‘tmishning buyuk salohiyatidan so‘zlaydi. Feruz nafaqat taxt sohibi, balki ma’naviyat va ilm-fan homiysi sifatida yashaganiga yana bir bor amin bo‘ldik.

Shuningdek, Qoraqalpoq xalqining buyuk shoiri, klassik adabiyot namoyandasi Ajiniyoz Qo'siboy o'g'lining hayoti va ijodiga bag‘ishlangan shoirning asarlari, davr tarixi va madaniyatiga oid eksponatlarni tarixi bilan tanishilib chiqildi.  Ushbu muzey Xivaning ko‘plab tarixiy ob’ektlari qatorida turistlar va adabiyot ixlosmandlari uchun qiziqarli maskanlardan biri hisoblanadi.

Sayohatimizning davomi qoraqalpoq xalqining ardog‘idagi farzandi, mumtoz adabiyotimizning yirik namoyandasi Ajiniyoz Qo‘siboy o‘g‘li hayoti va ijodiga bag‘ishlandi. Shoirning o‘lmas asarlari, u yashagan davr ruhiyati va madaniyatini aks ettiruvchi nodir eksponatlar bilan tanishish bizga o‘zgacha zavq bag‘ishladi. Shoir qalamiga mansub qo‘lyozmalar va o‘sha davr turmush tarzini so‘zlovchi ashyolar orasida go‘yo tarix jonlangandek bo‘ldi. Bu maskan  ikki xalq do‘stligi va umumiy adabiy merosimizning yorqin timsolidir.

Ta’kidlash joizki, ichki turizm siyosatining ustuvor maqsadi fuqarolar va mehnat jamoalarining madaniy hordiq chiqarishi uchun qulay muhit yaratish orqali aholi ma’naviyatini yuksaltirish hamda milliy iqtisodiyotning barqaror o‘sishini ta’minlashdan iborat. Bu jarayon xalqimizning o‘z o‘tmishi va madaniy boyliklariga bo‘lgan hurmatini yanada mustahkamlaydi.

  “Professional ta’lim” kafedrasi mudiri D.I.Muqumova axboroti 

Universitet matbuot xizmati