"TIQXMMI" Milliy tadqiqot universiteti xalqaro reytinglarda yangi tarixiy natijaga erishdi!
26.03.2026
Toshkent irrigatsiya va qishloq xo‘jaligini mexanizatsiyalash muhandislari instituti Milliy tadqiqot universiteti QS World University Rankings by Subject 2026 xalqaro reytingida ulkan yutuqni qo‘lga kiritib, global akademik maydondagi o‘z mavqeini yanada mustahkamladi.
2026 yil natijalariga
ko‘ra, universitet Engineering & Technology fan sohasi bo‘yicha dunyoning
#501–550 o‘rinlari qatoridan joy oldi va ushbu yo‘nalishda 59,4 ball natijani qayd
etdi.
Eng muhimi va
quvonarlisi — universitet bir vaqtning o‘zida yana 3 ta fan yo‘nalishi bo‘yicha
yuqori natijalarga erishdi:
-
Agriculture – #401–475 o‘rinlar
-
Environmental Sciences – #451–500 o‘rinlar
-
Electrical & Electronic Engineering – #501–550 o‘rinlar egalladi.
Bu natija universitetning
ilmiy salohiyati, tadqiqotlar ko‘lami va xalqaro hamkorlik darajasi tobora yuksalib
borayotganining yaqqol isbotidir.
Qayd etish joizki,
QS World University Rankings by Subject 2026 reytingida dunyo bo‘yicha 6277 ta universitet
tahlil qilinib, ulardan 1912 tasi reytingga kiritilgan.
"TIQXMMI"
Milliy tadqiqot universiteti jamoasining ushbu yutuqlari ilm-fan, innovatsiya va
xalqaro integratsiya yo‘lidagi izchil va samarali mehnatining yorqin samarasidir.