Bugun “TIQXMMI” Milliy tadqiqot universitetida suv resurslarini boshqarish bo‘yicha jahonning yetakchi texnologik kompaniyalari vakillari bilan muhim uchrashuv bo‘lib o‘tdi.

05.03.2026

#Rektordan

Uchrashuvda Avstraliyaning nufuzli kompaniyasi — “Rubicon Water” mintaqaviy vakili Piter Pelisaar hamda “Inverson Technologies” SA kompaniyasining O‘zbekistondagi vakolatxonasi rahbari Maksim Sidorov ishtirok etdi.

Universitet rektori mehmonlarni samimiy qutlar ekan, oliygohda amalga oshirilayotgan ilmiy-tadqiqot ishlari, ta’lim jarayonidagi islohotlar hamda soha uchun tayyorlanayotgan yuqori malakali kadrlar salohiyatiga alohida to‘xtalib o‘tdi.

Shuningdek, talabalar amaliyotini “Rubicon” ob’ektlarda o‘tkazish, o‘quv-taҗriba xo‘jaligida “Rubicon”ning suv resurslarini intellektual boshqarish texnologiyalarini o‘rnatish va universitetda  qo‘shma laboratoriyalarni tashkil etish  takliflarini berdi.

Janob Piter Pelisaar esa kompaniyaning Qozog‘istondagi muvaffaqiyatli loyihalari, shuningdek, Qashqadaryo viloyatidagi Mirishkor kanali va Farg‘ona vodiysida amalga oshirilayotgan istiqbolli tashabbuslar haqida ma’lumot berdi.

Uchrashuv yakunida quyidagi yo‘nalishlarda dastlabki kelishuvlarga erishildi:

— “Rubicon Water”ning O‘zbekiston hududlaridagi loyihalariga universitetning iqtidorli talabalari va yosh mutaxassislarini jalb qilish, ishlab chiqarish bilan integratsiyani kuchaytirish;

— Talabalar uchun Avstraliyada “Rubicon” texnologiyalari joriy etilgan ob’ektlarda malakaviy amaliyotlarni tashkil etish;

— Universitetning o‘quv-taҗriba xo‘jaligida “Rubicon”ning suv resurslarini intellektual boshqarish texnologiyalarini joriy etish orqali real vaqt rejimida ilmiy tadqiqotlar olib borish imkoniyatini yaratish;

— Laboratoriya binosini zamonaviy uskuna va qurilmalar bilan jihozlash orqali moddiy-texnik bazani yanada mustahkamlash.

Ushbu loyihaga mas’ul etib “Gidromelioratsiya” fakulteti dekani Ishchanov Javlonbek tayinlandi. Mazkur hamkorlik suv resurslarini samarali boshqarish, innovatsion texnologiyalarni joriy etish va amaliyotga yo‘naltirilgan ta’limni yangi bosqichga olib chiqishga xizmat qiladi.