Dual ta’lim doirasida amaliy mashg‘ulotlar
28.02.2026
Joriy yilning 27-fevral kuni “Dual ta’lim tizimini samarali joriy etish va ta’lim-ishlab chiqarish integratsiyasini kuchaytirish” maqsadida “Gidrologiya va gidrogeologiya” kafedrasi mudiri Ilxom Ro‘ziev hamda “Irrigatsiya va melioratsiya” kafedrasi mudiri Ilxom Begmatov tomonidan “Bo‘ka agroiqtisodiyot texnikumi” da o‘quv-amaliy darslar tashkil etildi.
Mazkur mashg‘ulotlar dual ta’lim konsepsiyasi asosida
nazariy bilimlarni amaliyot bilan uyg‘unlashtirish, talabalarning kasbiy
kompetensiyalarini shakllantirish va sohadagi zamonaviy yondashuvlar bilan
tanishtirishga qaratildi.
Dars jarayonida yer usti va yer osti suvlarining
shakllanish xususiyatlari, gidrologik kuzatuv va monitoring usullari, sug‘orish
tizimlarini samarali boshqarish, shuningdek, meliorativ holatni yaxshilashning
ilmiy asoslari keng yoritildi. Shu bilan birga, talabalarga suv resurslaridan
oqilona foydalanish, yerlarning sho‘rlanish va botqoqlanish jarayonlarining
oldini olish bo‘yicha amaliy tavsiyalar berildi.
Mashg‘ulotlar davomida muammoli vaziyatlar asosida
keys-tahlil usuli qo‘llanilib, talabalarning mustaqil fikrlash, tahlil qilish
va qaror qabul qilish ko‘nikmalarini rivojlantirishga alohida e’tibor
qaratildi. Amaliy hisob-kitoblar, xaritalar bilan ishlash va sug‘orish
me’yorlarini belgilash bo‘yicha topshiriqlar bajarildi.
Ushbu tadbir ta’lim muassasalari o‘rtasidagi
hamkorlikni mustahkamlash, o‘quv jarayonini ishlab chiqarish ehtiyojlari bilan
uyg‘unlashtirish hamda raqobatbardosh mutaxassislar tayyorlashda muhim ahamiyat
kasb etdi.
Dual ta’limni izchil rivojlantirish orqali
talabalarning amaliy tayyorgarligi, kasbiy mas’uliyati va sohaviy bilim
darajini oshirishga erishilmoqda.
"Professional taʼlim" kafedrasi mudiri D.I.Muqumova axboroti
Universitet matbuot xizmati