Ilk tashrif va yangi istiqbollar: Britaniya Kengashi direktori universitetimizda

24.02.2026

#Ma`naviy va tashkiliy #Xalqaro hamkorlik #Yangilik

2026-yil 23-fevral sanasida "TIQXMMI" Milliy tadqiqot universitetida Britaniya Kengashi direktorining ilk rasmiy tashrifi bo‘lib o‘tdi. Ushbu uchrashuv universitetning xalqaro hamkorlik tarixida muhim bosqich bo‘ldi.

Britaniya Kengashining O‘zbekistondagi direktori Michael Houlgate hamda  Biznesni rivojlantirish bo‘yicha menejer Amirsaid Sadikovni universitetimiz rektori Baxodir Suyunovich Mirzaev qabul qildilari. Mazkur yig’ilishda “IELTS Xamkorlik Dasturini” universitet koordinatori dotsent Go’zal Eshchanova ham ishtirok etdi.

Universitet salohiyati bilan tanishtirish

Rasmiy uchrashuvdan avval mehmonlarga universitet tarixi, ilmiy salohiyati, xalqaro aloqalari, fakultetlar va zamonaviy infratuzilma haqida batafsil ma’lumot berildi.

Tashrif davomida mehmonlar A. Oripov muzeyi, universitet maketi hamda ta’lim va ilmiy faoliyat aks etgan taqdimot materiallari bilan tanishdilar.

Rektor tomonidan universitetning xalqaro reytinglardagi o‘rni (QS, THE) va Milliy reytingdagi natijalari alohida e’tirof etildi.

Strategik hamkorlik va xalqaro loyihalar

Uchrashuv davomida Buyuk Britaniya oliy ta’lim muassasalari bilan hamkorlikni kengaytirish, qo‘shma ta’lim dasturlarini rivojlantirish hamda akademik mobillikni oshirish masalalari muhokama qilindi.

Britaniya Kengashi xamkorlikda amalga oshirilgan muhim loyihalar haqida dotsent Go’zal Eshchanovaning taqdimoti tinglandi:

·       English as a Medium of Instruction (EMI) Project (2019–2021)

·       Professional Development Centre (2020-yil 20-fevral)

·       EnSPIRE-U (2017–2020)

·       Change Academy Programme (2018–2020)

Shuningdek, Keimyung Kollej Universiteti bilan hamkorlikda yo‘lga qo‘yilgan:

·       2+2 qo‘shma diplom dasturi

·       Raqamli ta’limni rivojlantirish tashabbuslari

·       Xalqaro sertifikatsiyani yanada ommalashtirish bo’yicha fikrlar almashildi.

IELTS bo‘yicha strategik sheriklik

Universitet va Britaniya Kengashi o‘rtasidagi IELTS strategik hamkorligi izchil rivojlanmoqda. Universitet hududida quyidagi xalqaro imtihonlar tashkil etilmoqda:

·       IELTS (Academic & General Training)

·       IELTS for UKVI

·       IELTS Life Skills

·       ACCA imtihonlari

·       Aptis ESOL for Teachers

Universitet tomonidan imtixon topshiruvchilar uchun:

-To‘liq imtihon formati (Listening, Reading, Writing, Speaking)
 -11-bino hududida zamonaviy imtixon zonalari
 -Mock test va Pre-testlar tashkil qilish
- Regional va shaxardan imtixon topshiruvchilarga yetarli imkoniyat yaratish

Delegatsiya 11-bino IELTS imtixon zonalari faoliyati bilan tanishib, yaratilgan sharoitlarga yuqori baho berdi.

Kelgusidagi ustuvor yo‘nalishlar

Muzokaralar davomida quyidagi strategik masalalar ko‘rib chiqildi:

·       Xalqaro sertifikatga ega o‘qituvchilar va talabalar sonini oshirish

·       Raqamli ta’limni Britaniya Kengashi tajribasi asosida mustahkamlash

·       O‘qituvchilar malakasini oshirish tashabbuslarini kengaytirish

Ramziy ehtirom

Uchrashuv yakunida rektor tomonidan Michael Houlgatega universitetning esdalik sovg‘alari topshirildi. 

Mazkur ilk rasmiy tashrif “TIQXMMI” Milliy tadqiqot universitetining xalqaro maydondagi mavqeini yanada mustahkamlash, Britaniya Kengashi bilan strategik sheriklikni yangi bosqichga olib chiqish hamda xalqaro ta’lim standartlarini keng joriy etish yo‘lida muhim qadam bo‘ldi.

Universitetimiz Britaniya Kengashi bilan xamkorlikda xalqaro integratsiya, akademik mukammallik va innovatsion rivojlanish tamoyillariga sodiq holda izchil faoliyat olib borishda davom etishga kelishib olishdi.