Suv resurslaridan oqilona foydalanish samaradorligi oshiriladi
07.02.2026
#Yangilik
“Suv resurslaridan oqilona foydalanish samaradorligini oshirish bo‘yicha qo‘shimcha chora-tadbirlar to‘g‘risida”gi Prezident qarori (PQ–47-son) qabul qilindi.
Qarorga ko‘ra, 2026–2028-yillarda suv tejovchi texnologiyalar joriy qilingan maydonlar hajmi 3,5 million gektarga yetkaziladi.
Jumladan:
- – 220 ming gektar maydonda tomchilatib sug‘orish, 110 ming gektar maydonda yomg‘irlatib sug‘orish texnologiyalari joriy etiladi hamda 600 ming gektar maydon lazerli tekislanadi;
- – suv tejovchi texnologiyalarni joriy etish hisobiga har yili 5 milliard kub metr suv resurslarini tejash ko‘zda tutilgan.
Suv resurslaridan oqilona foydalanish samaradorligi oshirish uchun 800 milliard so‘m subsidiya mablag‘lari ajratiladi
Qarorga ko‘ra, 2026-yilda suv tejovchi texnologiyalarni joriy qilishni kengaytirish uchun:
- – tijorat banklari tomonidan 2,6 trillion so‘m kredit mablag‘larini ajratiladi;
- – davlat tomonidan qo‘llab-quvvatlash maqsadida 800 milliard so‘m subsidiya mablag‘lari yo‘naltiriladi;
- – suv tejovchi texnologiyalarni joriy qilish va undan foydalanish bo‘yicha Xitoyning Shinjon tajribasi asosida mutaxassis kadrlar malakasini tizimli oshirish yo‘lga qo‘yiladi.