Milliy liboslar - xalqning asriy an’analarini mujassam etadi
29.11.2025
Joriy yilning 28- noyabr kuni "Iqtisodiyot" fakulteti talaba qizlari ishtirokida haftaning har juma kuni “Milliy liboslar kuni“ etib belgilanganligi munosabati bilan milliy liboslarni keng targ‘ib qilish va yoshlarni qalbida milliylikka , milliy qadriyatlarga bo‘lgan hurmati va muhabbatini oshirish maqsadida ochiq davra suhbati o‘tkazdilar.
Xabaringiz bor, haftaning har juma kuni “Milliy liboslar kuni” etib belgilangan.
Ushbu tashabbus milliy qadriyatlarimizni yanada targ‘ib qilish, an’analarimizni asrab-avaylash hamda milliy liboslarimizning kundalik hayotimizda tutgan o‘rnini mustahkamlashga qaratilgan.
Mazkur tashabbus doirasida "Iqtisodiyot" fakulteti professor- o‘qituvchilari, talaba qizlari ham faol ishtirok etib, o‘zbek milliy liboslarida Universitetimizga tashrif buyurdilar.
Ularning atlas va adras kabi milliy matolardan tikilgan liboslari nafaqat estetik go‘zallik balki, xalqimizning boy madaniy merosini ifoda etib, ish muhitiga o‘zgacha fayz bag‘ishladi.
“Milliy liboslar kuni” nafaqat tashqi ko‘rinish, balki milliy o‘zlikni anglash, o‘zbekona qadriyatlarni hurmat qilish va yosh avlodga ulug‘ ajdodlarimiz merosini yetkazish kabi muhim maqsadlarga ham xizmat qiladi.
"Iqtisodiyot" fakulteti xotin-qizlar masalalari bo‘yicha Kengash raisi Ra’no Kodirova, fakultet tyutorlari Gulbaxor Shodiyeva, Dilbar Egamovalar axboroti
Universitet matbuot xizmati
