Bugun universitetimizda navbatdagi 3-sonli Ilmiy kengash yig‘ilishi bo‘lib o‘tdi.
29.11.2025
Yig‘ilish boshida o‘tgan bir oy davomida erishilgan yutuqlar alohida e’tirof etildi. Jumladan, 6 nafar professor-o‘qituvchilar dotsent ilmiy unvoni, 1 nafar izlanuvchi esa falsafa doktori (PhD) ilmiy darajasini qo‘lga kiritgani uchun tantanali ravishda taqdirlandi.
Shuningdek, ilmiy va ta’lim sohasidagi faol yutuqlari uchun Gidromelioratsiya fakulteti talabasi Maxmudova Laylo hamda Gidrotexnika qurilishi fakulteti talabasi Turdibekov Boburjonga O‘zbekiston Respublikasi Suv xo‘jaligi vaziri stipendiyasi topshirildi.
Tadbir davomida universitetning ilmiy-uslubiy faoliyati, yoshlar masalalari, ta’lim sifatini yanada oshirish, xalqaro hamkorlikni kuchaytirish va tarkibiy bo‘linmalar faoliyatiga oid dolzarb masalalar muhokama qilindi. Yig‘ilish yakunida kelgusi davr uchun ustuvor vazifalar belgilab olindi.
