Ma’lum qilamizki, IELTS tayyorlov kursi 2025-yil 29-noyabr sanasida o‘z faoliyatini boshladi. Kurs “TIQXMMI” Milliy tadqiqot universitetining 1-kurs Turkmanistonlik talabalariga mo‘ljallangan bo‘lib, tinglovchilar IELTS imtihonining barcha asosiy komponentlari - Listening, Reading, Writing va Speaking ko‘nikmalarini rivojlantirishadi.

Mazkur kurs doirasida Britaniya Kengashining quyidagi imkoniyatlaridan foydalanish mumkin:

• • IELTS Ready Premium ta’lim platformasi
• • Mock IELTS Tests
• • Pre-testlar

  Kursni “Ingliz tili” kafedrasi dotsenti Go‘zal Eshchanova, Britaniya Kengashi va “TIQXMMI” Milliy tadqiqot universiteti hamkorligidagi “Professional Rivojlantirish Markazi” treneri, “Iqtisodiyot” fakulteti, 226-xonada tashkil qildi. Kursni ochib berish marosimida “Iqtisodiyot” fakulteti dekan muovinlari Umrzoq Xoliyorov va Xursand Ro‘zmetov so‘zga chiqib, talabalarga chet tilini egallashning sir-asrorlari va keng imkoniyatlari haqida batafsil ma’lumot berib o‘tishdi.

Kursning birinchi mashg‘uloti

  Mashg‘ulot muvaffaqiyatli o‘tdi, talabalar IELTS bo‘yicha dastlabki amaliy mashg‘ulotlarni boshlashdi. Mashg‘ulotda quyidagi turkmanistonlik talabalar qatnashishdi:

  S. Madaminova, S. Karliyeva, M. Adamova, S. Allaberdiyeva, Z. Vahabjanova, F. Vahabjanova, Sh. Kurambayeva, M. Matkurbanova, G. Narbayeva, K. Yegshemova, O. Kullyyeva, G. Hemrayeva, A. Yusupova, A. Galanderova, A. Atayeva, O. Altybayeva, A. Hudaykulyyeva, M. Mamedova, S. Orazbeyeva, Sh. Muminova, A. Musayeva, N. Matjikova, Sh. Uzakova, S. Kulmetova, N. Ismailova, O. Pirjanova, S. Jumaniyazova, G. Myradova.

Mashg‘ulotda qo‘llangan metodik yondashuvlar

1. Communicative Language Teaching (CLT)

• o Salomlashish, tanishtirish, oddiy dialoglar - real hayotiy muloqotga yaqin vaziyatlar
• o Juftliklarda ishlash orqali talabalarni faol muloqotga jalb qilish

2. Scaffolded Learning (Qadam-baqadam til o‘rgatish)

• o Soddalashtirilgan lug‘at ro‘yxati (Greetings, Personal information, Family)
• o Inglizcha → o‘zbekcha → turkmencha → ruscha tarjima kartochkalari
• o “Fill in the gaps”, “Match”, “True/False” mashqlari orqali bosqichma-bosqich mustahkamlash

3. PPP Model: Presentation – Practice – Production

• o Presentation: yangi so‘zlar va iboralar taqdim etildi, namuna dialog ko‘rsatildi
• o Practice: tarjima kartochkalari, savol-javoblar, True/False, Matching mashqlari
• o Production: “Introduce yourself” orqali talabalar mustaqil gap tuzdilar va juftliklarda erkin muloqot qilishdi

4. Skills Integration (Ko‘nikmalarni birlashtirish)

• o Speaking va Reading ko‘nikmalarini birlashtirish, o‘quvchilarni IELTSga tayyorlash

5. Learner-Centered Approach (O‘rganuvchi markazidagi yondashuv)

• o Juftlik va guruh faoliyatiga qaratilgan mashg‘ulotlar
• o Talabalar erkin muloqot qilishadi, bir-biridan o‘rganishadi, o‘qituvchi yo‘naltiruvchi rolini bajaradi

Talabalarning faolligi

  “TIQXMMI” Milliy tadqiqot universitetidagi turkmanistonlik talabalar bugungi mashg‘ulotda faol, qiziqishi va motivatsiyasi yuqori ekanligini namoyon qildilar. Talabalar birinchi mashg‘ulotdayoq o‘zlarini tanishtirish, salomlashish va oddiy dialoglar tuzish bo‘yicha faol qatnashib, tilni yanada chuqurroq o‘rganishga katta ishtiyoqlarini ko‘rsatishdi.

IELTS imkoniyatlari

Mashg‘ulot yakunida talabalar quyidagi imkoniyatlar bilan tanishtirildi:

  “IELTS sertifikati 140 dan ortiq davlatlarda tan olingan bo‘lib, talabalarga chet elda ta’lim almashinuvi dasturlarida qatnashish, kelgusida yaxshi ish topish va ish faoliyatida kengroq imkoniyatlarga yetaklashi yana bir bora qayt etildi. Bugungi kichik qadamlar yaqin kelajakda katta imkoniyatlar sari yo‘l ochadi.”

  Turkmanistonlik talabalarimizning bugungi mashg‘ulotdagi faol ishtiroki kursning samaradorligini oshirishga va kelajakdagi muvaffaqiyatli rivojlanishiga ishonchli asos yaratishiga ishonamiz.