Universitetimizda Dronlarga xizmat ko‘rsatish markazi ochiladi
29.11.2025
Xitoyning “Cobetter Innovative Technology” kompaniyasi Direktorlar kengashi a’zosi Fan Guo Yuan boshchilik qilgan nufuzli delegatsiya universitetimizda bo‘ldi. Uchrashuv doirasida tomonlar innovatsion hamkorlik yo‘nalishlarini muhokama qilib, juda muhim kelishuvga erishdilar.
Universitet tarixida ilk bor Dronlarga xizmat ko‘rsatish markazini tashkil etish bo‘yicha kelishuvga erishildi. Yangi markaz talabalar, tadqiqotchilar va muhandislar uchun zamonaviy texnologiyalar bilan ishlash, yangi avlod aviatsion dronlarini yaratish va amaliyot o‘tish imkoniyatlarini yaratadi.
Shu bilan birga, ushbu kompaniya yoz mavsumida universitetimizdan tanlab olingan eng iqtidorli yoshlarni Xitoydagi o‘z ishlab chiqarish bazalariga bir mavsumlik amaliyotga qabul qilishini ham ma’lum qildi. Bu – talabalar uchun ulkan tajriba, dunyo texnologiyasini yaqindan ko‘rish va kelajakda raqobatbardosh mutaxassisga aylanish imkonidir.
