“Boshqaruv va Turizm” kafedrasining faol talabalari turizm sohasiga bo‘lgan qiziqishlari va intiluvchanliklari bilan "Tashkent international turizm fair" xalqaro turizm yarmarkasida faol ishtirok etishdi.
28.11.2025
Mamlakatimiz poytaxti bo‘lmish Toshkent shahridagi CAEx ko‘rgazmalar majmuasida o‘tkazilayotgan “Ipak yo‘lida turizm” 30-Xalqaro turizm yarmarkasi (TXTY-2025) O‘zbekiston va Markaziy Osiyoning boy turizm salohiyatini jahon hamjamiyatiga namoyish etuvchi nufuzli maydondir. Bu yilgi yarmarka yubiley — 30-marta tashkil etilayotgani bilan yanada alohida ahamiyatga ega bo‘lib, O‘zbekistonning global turizm bozoridagi o‘rnini mustahkamlash, xorijiy davlatlar bilan yangi hamkorlik aloqalarini shakllantirish va mintaqa turizmini jahon sahnasida yanada keng targ‘ib etish imkonini yaratadi.
Mazkur yarmarkada “TIQXMMI” Milliy Tadqiqot Universiteti, Iqtisodiyot fakulteti ,Turizm yo‘nalishi 305-guruh faol talabalar ham o‘zlarining bilim va ko‘nikmalarini namoyish qilib, tadbir jarayoniga sezilarli hissa qo‘shdilar.Shuni ham ta’kidlash joizki, guruhning faol talabalari O‘zbekiston Respublikasi Turizm Qo‘mitasi huzuridagi Toshkent Shahar Turizm elchilari kengashi a’zosi hisoblanishadi.
Talabalar yarmarka davomida turizmning zamonaviy yo‘nalishlari, bozor talablari va xalqaro hamkorlik imkoniyatlari bilan yaqindan tanishdilar. Shuningdek, ular amaliy tajriba orttirib, xorijiy va mahalliy mutaxassislar bilan fikr almashish imkoniga ega bo‘ldilar.