Huquqiy fanlar kafedrasi tomonidan Yurisprudensiya yo‘nalishi talabalari uchun “Huquqiy savodxonlik oyligi” doirasida seminar-trening tashkil etildi
28.11.2025
Tadbirda talabalarga Yangi O‘zbekistonda olib borilayotgan keng ko‘lamli islohotlar, yangi tahrirdagi O‘zbekiston Respublikasi Konstitutsiyasining mazmun-mohiyati hamda unga kiritilgan muhim o‘zgartirish va qo‘shimchalar haqida atroflicha ma’lumot berildi.
Shuningdek, O‘zbekiston Respublikasi Konstitutsiyasining qabul qilinganiga 33 yil to‘lishi munosabati bilan universitet fakultetlari, Toshkent shahridagi maktablar, mahallalar va boshqa ta’lim tashkilotlarida targ‘ibot tadbirlari tashkil etish orqali aholining huquqiy madaniyati va savodxonligini oshirishga faol hissa qo‘shish imkoniyati haqida so‘z yuritildi. Ushbu maqsadda talabalar orasidan maxsus targ‘ibot guruhlari tuzildi.
Seminar yakunida “Huquqiy savodxonlik oyligi” doirasida “Yangi O‘zbekiston va inson huquqlari”mavzusidagi huquqiy targ‘ibot tadbirlari davom etishi va talabalarimizning faol ishtiroki bilan yanada kengayishi belgilab olindi.
Huquqiy fanlar kafedrasi mudiri H. To‘xtashev va professor-o‘qituvchilar tomonidan barcha talabalarni ushbu muhim jarayonda faol ishtirok etishi kerakligi tushuntirildi.
