“Rakamli texnologiyalar va sun’iy intellekt” mavzusidagi nufuzli xalqaro ilmiy anjuman bo‘lib o‘tdi.
28.11.2025
Bugun “TIQXMMI” Milliy Tadqiqot Universiteti, Rakamli texnologiyalar va sun’iy intellektni rivojlantirish ilmiy-tadqiqot instituti, hamda Toshkent kimyo-texnologiya institutining Yangier filiali hamkorligida zamonaviy ilm-fan yo‘nalishlariga bag‘ishlangan xalqaro konferensiya o‘tkazildi. Anjuman raqamli transformatsiya, sun’iy intellekt texnologiyalari va kvant innovatsiyalarining bugungi imkoniyatlari hamda kelajak istiqbollarini muhokama qilishga qaratildi.
Anjuman yalpi sessiyasida mahalliy va xalqaro ekspertlar tomonidan an’anaviy va onlayn formatda zamonaviy ilmiy yo‘nalishlarni qamrab olgan mazmunan serqirra ma’ruzalar taqdim etildi.
- - Prof. Lim Vladimir (Astrakhan State Technical University) — olimpiada tayyorgarligi va kriptografik himoyaning zamonaviy yondashuvlari;
- - Prof. Muxamedieva D.T. — “Kvant texnologiyalari davrida AI kelajagi” mavzusida ilmiy progress va yangi imkoniyatlar haqida;
- -Prof. Zaxidov Anvar (Texas University, Dallas) — “Quantum Dots for Advanced Applications in Photonics and Optoelectronics” mavzusidagi ilg‘or tadqiqotlar;
- - Prof. Handing Wang (Xitoy) — “Data-Driven Industry Optimization” mavzusida raqamli sanoatda ma’lumotlar tahlilining roli
Anjuman o‘z ishini uchta tematik sho‘bada davom ettirdi.
Ushbu anjuman raqamli texnologiyalar va sun’iy intellekt sohalaridagi ilmiy hamkorlikni mustahkamlash, ilm-fan va innovatsiyalar rivojiga turtki berishda muhim qadam bo‘ldi.
