"Iqtisodiyot" kafedrasi tashabbusi bilan bitiruvchi hamda korxonalarda stajirovka o‘tash niyatida bo‘lgan talabalar uchun "Asia Alliance Bank" ATB bilan uchrashuv tashkil etildi.
19.11.2025
2025-yil 19-noyabr sanasida "TIQXMMI" Milliy tadqiqot universiteti "Iqtisodiyot" ta’lim yo‘nalishi bitiruvchi kurs talabalari hamda korxonalarda stajirovka o‘tash niyatida bo‘lgan talabalar bilan "Asia Alliance Bank" ATB banki mutaxassislari ishtirokida uchrashuv bo‘lib o‘tdi.
🎯 Uchrashuvdan ko‘zlangan asosiy maqsad — talabalarga bank sohasi, xususan xususiy "Asia Alliance Bank" ATB haqida ma’lumotlar berildi.
📊 Shuningdek, Uchrashuv davomida:
- - bank tizimi haqida amaliy bilimlar berildi;
- - talabalarda ishga joylashishdan oldin talab qilinadigan ko‘nikmalarni shakllantirish bo‘yicha tegishli ko‘rsatmalar berildi:
- - bitiruvchilarni ish bilan ta’minlash masalasi:
- - talabalar amaliyotlarini bankda tashkil etish masalasi;
- - talabalarning hozirdan bankda haq to‘lanadigan stajirovkalar o‘tashini tashkil etish imkoniyatlari haqida ma’lumotlar berildi.
🎁Uchrashuv yakunida iqtidorli va faol talabalarni rag‘batlantirish maqsadida, faol talabalarga esdalik sovg‘alari taqdim etildi.
🏅Kelajakda o‘zaro hamkorlikni yanada mustahkamlash maqsadida, "TIQXMMI" Milliy tadqiqot universiteti hamda "Asia Alliance Bank" ATB o‘rtasida o‘zaro hamkorlik memorandumi imzolash masalasi ham muhokama qilindi.
✅ Mazkur uchrashuv ikki tomonlama hamkorlikni mustahkamlash, bitiruvchi talabalarni mehnat bozoriga tayyorlash hamda ularning kasbiy salohiyatini oshirishda muhim ahamiyat kasb etdi.
