Matbuot kotiblari uchun o‘quv seminar tashkil etildi
12.07.2025
Malaka oshirish va tajriba almashish
mazmunida o‘quv seminarlarining o‘tkazilishi katta ahamiyatga ega.
OTM
matbuot kotiblari taʼlim muassasaning TV, radio, internet, gazeta,
ijtimoiy tarmoqlar va boshqalar orqali berilayotgan axborotni ongli, tanqidiy
va mustaqil tarzda tahlil qila olish, tushuna olish va undan foydalana olish
masalasiga masʼulligi bilan ajralib turadi.
Maʼlumki, Oliy taʼlim,
fan va innovatsiyalar vazirining buyrug‘iga asosan Oliy taʼlim tizimi
kadrlarini qayta tayyorlash va ularning malakasini oshirish bo‘yicha 3-iyuldan
boshlab oliy taʼlim tashkilotlarining axborot xizmatlari xodimlari uchun 24
soatlik qisqa muddatli o‘quv kursi tashkil etildi.
O‘quv kursining asosiy
maqsadi – oliy taʼlim tashkilotlarida axborot siyosatini samarali yuritish,
matbuot xizmatlari faoliyatini zamonaviy kommunikatsiya vositalari orqali
rivojlantirish, hamda axborot xodimlarining kasbiy salohiyatini oshirishdir.
O‘quv seminarda tajribali
ustozlardan professor Beruniy Alimov, dotsentlar Gulnora Nishonova va Irodaxonlar dars mashg‘ulotlarini olib
bordilar.
O‘quv seminar
mashg‘ulotlari yakunida matbuot kotiblari Al-Xorazmiy nomidagi Toshkent axborot
texnologiyalari universitetiga tashrif buyurib axborot xizmati bilan yaqindan tanishib olishdi.
Oliy taʼlim, fan va
innovatsiyalar vazirining axborot xizmati rahbari Nazokat Abduqunduzova va
Zafarbek Amirqulovlar matbuot kotiblarining savollariga mufassal javob
berdilar. So‘ngra Vazirlik binosida seminar ishtirokchilariga tantanali
ravishda Sertifikatlar topshirish tadbiri bo‘lib o‘tdi. Ular orasida
universitetimiz matbuot kotibi Rahimboy Jumaniyozov ham bor edi. Sertifikatlarni
bugun Vazir Sharipov Kongratbay Avezimbetovichning o‘zlari topshira turib
barcha matbuot kotiblariga omad va muvaffaqiyatlar tiladi.
Universitet matbuot
xizmati
