“TIQXMMI” Milliy tadqiqot universiteti va Xitoyning Xi’an University of Technology o‘rtasida qo‘shma laboratoriya tashkil etish bo‘yicha bitim imzolandi

04.06.2025

#Rektordan #Xalqaro hamkorlik #Yangilik

Bugun “TIQXMMI” Milliy tadqiqot universitetida Xitoyning nufuzli oliygohi — Xi’an University of Technology vakillari universitetimizda bo‘lishdi.

Uchrashuv davomida “TIQXMMI” Milliy tadqiqot universiteti rektori, professor Bahodir Mirzaev hamda Xi’an University of Technology vitse-prezidenti ZHANG Xiaohui o‘rtasida o‘zaro anglashuv memorandumi asosida "Gidroenergetika ilmiy-innovatsion Xitoy-O‘zbekiston qo‘shma laboratoriyasi” tashkil etish bo‘yicha rasmiy kelishuvni imzoladilar.

Ushbu laboratoriya doirasida quyidagi yo‘nalishlar bo‘yicha hamkorlik olib boriladi:

- Gidroenergetika va mikro GES samaradorligini oshirish;

- Aqlli qishloq xo‘jaligi texnologiyalari;

- Tuproq sho‘rlanishiga qarshi kurashish va ekologik muhitni tiklash;

- Muqobil energiya, jumladan gidroenergetik resurslardan foydalanish;

- Qo‘shma ilmiy tadqiqotlar, professor-o‘qituvchilar va talabalar almashinuvi;

Muzokaralar yakunida tomonlar mazkur hamkorlik ikki oliy ta’lim muassasasi o‘rtasidagi do‘stona munosabatlarni mustahkamlashi, shuningdek, xalqaro ilmiy salohiyatni oshirishga xizmat qilishini ta’kidladilar.