Joriy yilning 18-mart sanasida “TIQXMMI” Milliy tadqiqot universitetiga xalqaro grant doirasida Janubiy Koreyaning Keymyung Kollej Universitetidan Prof.Dr.Sanseog Lee va uning  rafiqasi tashrif buyurishdi.

Ma’lumki, “Xalqaro hamkorlik sohasidagi yetakchi universitet” granti dasturi bo‘yicha “Education Competency Enhancement Project Mechatronics Technicum at “TIIAME” National Research University in Uzbekistan” (01.04.2024-31.03.2029) xalqaro loyiha o‘z faoliyatini 2024 yil 1 aprel sanasidan boshlagan edi.

Xalqaro loyihaning O‘zbekistondagi koordinatori “TIQXMMI” Milliy tadqiqot universiteti rektori, Prof. Mirzayev Baxodir Suyunovich hisoblanib, Janubiy Koreyadagi loyihaning bosh koordinatori Prof. Lee Sangseo bilan uchrashib, belgilangan bir qator vazifalar va ularni amalga oshirilishi bo‘yicha o‘zaro fikr almashishdi.Tashkil qilingan muhokamada universitetimizdan Prof. Baratov va  dotsent G.Eshchanova ham qatnashishdi.

Mazkur uchrashuvda loyihaning birinchi yilida hamkorlar tomonidan chop etilgan darsliklar, namunaviy dastur, Mexatronika texnikumning birinchi va ikkinchi yilida o‘qitiladigan fanlar atroflicha muhokama qilindi.  Keymyung Kollej Universiteti professorlari bilan hamkorlikda keying yil uchun chop etilishi nazarda tutilgan 5ta darslik bo’yicha takliflar atroflicha muxokama qilindi. 

  Mazkur loyihaning asosiy ikkita yo‘nalishi quyidagilardan iborat:

1.    Universitetda Xalqaro Mexatronika texnikumini yo‘lga qo‘yish orqali mexatronika va robotexnika yo‘nalishlari bo‘yicha mutaxassislarni Janubiy Koreyaning Keymyung Kollej Universiteti ilg‘or texnologiyasi va tajribasi asosida tayyorlash, kerakli uskunalarni 5ta laboratoriyaga joylashtirish hamda  amaliy ko‘nikmalarini rivojlantirishdan iborat.

2.    Universitetda “Raqamli Ta’lim Innovatsiya Servis Markazi” (Digital Education Innovation Support Centre)ni tashkil qilish, mamlakatimizda raqamli ta’lim va innovatsiyani rivojlantirishda qabul qilingan isloxotlar, xalqaro texnikumda faoliyat olib  boruvchi professor-o‘qituvchilar va talabalarning turli xalqaro platformalari orqali samarali faoliyatni amalga oshirish, O‘zbekistonda qizlar va ayollarni daromadlarini oshirish, Gender tenglik kabi masallarni hal qilishga qaratilgan.

Muxokama davomida shuningdek “TIQXMMI” Milliy Tadqiqot Universiteti qoshida ta’lim malakalarini oshirishda rahbarimizning amalga oshirayotgan sa’y-harakatlari, mavjud takliflarni hamkorlikda o‘rganish  orqali erishilayotgan ijobiy natijalar to‘g‘risida loyiha a’zosi “Ingliz tili” kafedrasi dotsenti Go‘zal Eshchanova to‘xtalib o‘tib, unda O‘zbekiston-Janubiy Koreya qo‘shma loyihasi doirasidagi aniq rejalar bo‘yicha ma’lumotlar bilan tanishtirib o‘tdi.

Shuningdek, tadbir ishtirokchilariga Go‘zal Eshchanova tomonidan universitetimizda loyiha doirasida ochilishi nazarda tutilgan “Raqamli Ta’lim Innovatsiya Servis Markazi (DEISC) haqida, markazda Xotin qizlar Qo‘mitasi a’zolarining faoliyati haqida, Start-up loyihalarida ishtirok etish, tadbirkorlik bo‘yicha faoliyatlarni samarali yo‘lga qo‘yish, xar qanday sohada IT ko‘nikmalarni Janubiy Koreyaning yetuk tajribasini qo‘llagan xolda takomillashtirish kabi masalalarga oydinlik kiritildi.

Bundan tashqari markazni tashkil qilishda “Raqamli Ta’lim Innovatsiya Servis Markaz (DEISC)” faoliyatini yo’lga qo’yish, Keymyung Kollej Universitetidan markazga kerakli uskunalarni qabul qilib olish, yangi o’quv yiliga qadar loyixa talablari bo’yicha bajarilishi lozim bo’lgan qator topshiriqlarni o’z vaqtida bajarib borish, Markazda Koreys va Ingliz tillarini o‘rgatish, ayollarni bo‘sh vaqtlarini samarali tashkil qilish haqida ham batafsil ma’lumotlar berildi.  Shuningdek, O‘zbekistonda olib borilayotgan ta’lim sohasidagi islohotlarni aynan qo‘shma loyiha doirasida amalga oshirish imkoniyatlari haqida ham atroflicha to‘xtab o‘tildi.

Universitetimizga tashrif buyurgan xamkorlarimiz '"Professional ta'lim" kafedrasiga ham tashrif buyurishdi. Kafedra mudiri dotsent Muqimova Dilrabo Innatovna Janubiy Koreyalik vakillar bilan universitetimiz o'rtasidagi xalqaro hamkorlik xaqida suxbatlashib, Keymyung Kollej Universitet bilan Pedagogika va Psixologiya ta'lim yo'nalishlarida mavjud bo'lgan o'zaro tajriba almashiinish imkoniyatlari xaqida muloqot qildilar. Kafedra professor-o'qituvchilaridan dotsent Jumanov Alisher ham mazkur uchrashuvda ishtirok qilib, o'zining ikki universitet doirasidagi xamkorlikni yanada kuchaytirish bo'yicha fikr-muloxazalarini bildirib o'tdi.

Bundan tashqari dotsent Dilrabo Muqimova xalqaro grant doirasida universitetimizda ochilishi rejalashtirilgan “Raqamli Ta’lim Innovatsiya Servis Markazi” (Digital Education Innovation Support Centre) tashabbusiga ijobiy fikrlar bildirib, davlatimizda raqamli ta’lim va innovatsiyani rivojlantirishda qabul qilingan isloxotlar, ta'lim jarayonini raqamlashtirishda professor-o‘qituvchilar va talabalarning Janubiy Koreyaning xalqaro platformalarini qo'lllashni  amalga oshirish, O‘zbekistonda qizlar va ayollarni shu markazga jalb qilish orqali Keymyung Kollej Universiteti bilan yaqin xamkorlikda ishlash bo'yicha o'zlarining aniq taklif va tavsiyalarini berib o'tdilar. "Professional ta'lim" kafedrasi bilan yaqin xamkorlik qilish bo'yicha Prof.Dr.Sanseog Lee bilan qiziqarli muzokaralar olib borildi. Mexmonlar shuningdek shu kafedraning professori Zuxra Karabayevna bilan ham yaqindan tanishishga muvaffaq bo'lishdi va har ikkala davlatda mavjud ayyolar masalalariga ham atroflicha to'xtalib o'tishdi.  

Umid qilamizki, bu kabi xalqaro loyiha doirasida hamkorlikda olib borilayotgan sa’yi xarakatlar universitetimizda shu soxada ta’lim olishni istovchi yoshlarga va loyixa mavzusida o’z bilim tajribalarini oshirish istagida bo'lgan professor-o’qituvchilarga yordam beradi.