Mintaqaviy qishloq xo‘jaligi universitetlarining onlayn uchrashuvi bo‘lib o‘tdi (ADB)
20.03.2025
2025-yil 19-mart kuni Osiyo taraqqiyot banki (ADB) hamda Vageningen universiteti hamkorligida Mintaqaviy qishloq xo‘jaligi universitetlari ishtirokida muhim onlayn uchrashuv bo‘lib o‘tdi. Unda Markaziy Osiyo, Kavkaz va Pokistondagi yetakchi agrar universitetlar vakillari qatnashdilar.
Uchrashuvning asosiy jihatlari:
- Uchrashuvning ochilishi
Tadbirni ADBning Ijtimoiy rivojlanish bo‘yicha katta mutaxassisi Hyun Joo Youn va Mintaqaviy hamkorlik bo‘yicha bosh mutaxassis Zulfia Karimova ochib berishdi. Ular qishloq xo‘jaligi ta’limini rivojlantirish bo‘yicha xalqaro hamkorlikning ahamiyatiga to‘xtalishdi. Uchrashuvga ADB konsultanti Liliia Kachkinbaeva moderatorlik qildi.
- Tadbir maqsadlari va WUR jamoasi bilan tanishuv
Vageningen universitetining barqaror oziq-ovqat tizimlari bo‘yicha katta maslahatchisi Monika Sopov universitetlar bilan olib borilayotgan hamkorlik va uchrashuvning asosiy maqsadlarini taqdim etdi.
- “Qishloq xo‘jaligi universitetlari tezlashtirish dasturi” taqdimoti
Uchrashuv davomida ADB konsultanti Liliia Kachkinbaeva tomonidan “Qishloq xo‘jaligi universitetlari tezlashtirish dasturi” taqdimoti bo‘lib o‘tdi. Dastur universitetlarning innovatsiya, xalqaro hamkorlik va ta’lim sifatini oshirish bo‘yicha yangi imkoniyatlarini ochib berishi ta’kidlandi. Ishtirokchilar uchun savol-javob sessiyasi tashkil etildi.
- Universitetlarning o‘z-o‘zini baholash natijalari bo‘yicha fikr almashish
Tadbir davomida ishtirokchilar o‘z universitetlarida o‘tkazilgan o‘z-o‘zini baholash natijalari bo‘yicha fikr almashdilar. Uchrashuvda muvaffaqiyatlar va takomillashtirish talab etiladigan yo‘nalishlar muhokama qilindi.
Muhokama jarayonida quyidagi universitetlar faol ishtirok etishdi:
- Ozarbayjon Texnika Universiteti
- Gruziya Texnika Universiteti
- Qozog‘iston Milliy Agrar Tadqiqot Universiteti
- Qirg‘iziston Milliy Agrar Universiteti
- Mo‘g‘uliston Hayot Fanlari Universiteti
- Pokistonning Fayzalobod Qishloq xo‘jaligi Universiteti
- Tojikiston Agrar Universiteti
- Turkmaniston S.A. Niyozov nomidagi Qishloq xo‘jaligi Universiteti
- Toshkent Irrigatsiya va Qishloq xo‘jaligini Mexanizatsiyalash Muhandislari Milliy Tadqiqot Universiteti
Tadbir davomida Toshkent Irrigatsiya va Qishloq xo‘jaligini Mexanizatsiyalash Muhandislari Milliy Tadqiqot Universiteti Xalqaro hamkorlik boshqarmasi boshlig‘i Sherzod Rahmonov universitet haqida ma’lumot berib o‘tdi. Shuningdek o‘z-o‘zini baholash anketasini to‘ldirish bilan bog‘liq savollilarga Universitetning Ilmiy ishlar va innovatsiyalar bo‘yicha prorektori Shokirov Shuxrat Sobirovich javob berdi va o‘z fikrlarini ulashdi.
- Kelgusi qadamlar va uchrashuvning yopilishi
Tadbirning yakuniy qismida Hyun Joo Youn va Zulfia Karimova ishtirokchilarga o‘z-o‘zini baholash jarayonini yakunlash va aniqlangan muammolarni hal qilish bo‘yicha kelgusi rejalarni taqdim etdilar.
Tadbir natijalari:
Mintaqaviy qishloq xo‘jaligi universitetlarining ushbu uchrashuvi ilmiy va ta’limiy hamkorlikni yanada mustahkamlash, innovatsion yondashuvlarni rivojlantirish va ta’lim sifatini oshirish bo‘yicha muhim qadam bo‘ldi. Uchrashuv ishtirokchilari o‘zaro fikr almashib, tajriba almashish imkoniyatiga ega bo‘ldilar.
Kelgusida universitetlarning hamkorligi yanada rivojlanishi va yangi tashabbuslar ilgari surilishi kutilmoqda.
