QS Xalqaro reyting agentligi tomonidan 2025 yil uchun fan sohalari bo’yicha reytingi e’lon qilindi

12.03.2025

#Reyting #Yangilik

QS Xalqaro reyting agentligi tomonidan 2025 yil uchun fan sohalari bo’yicha reytingi e’lon qilindi

QS Xalqaro reyting agentligi tomonidan 2025 yil uchun fan sohalari bo’yicha (QS World University Rankings by Subject 2025) natijalari e’lon qilindi va unda “Toshkent irrigatsiya va qishloq xo’jaligini mexanizatsiyalash muhandislari instituti” Milliy tadqiqot universiteti o‘z mavqeini mustahkamlashda davom etmoqda. Ushbu xalqaro reyting dunyoning eng nufuzli oliy ta’lim muassasalarining fan yo‘nalishlari bo‘yicha baholash natijalarini aks ettiradi. Bu yilgi natijalar O‘zbekiston oliy ta’lim tizimining rivojlanayotganini va xalqaro maydonda o‘z o‘rnini topayotganini ko‘rsatmoqda. “Toshkent irrigatsiya va qishloq xo’jaligini mexanizatsiyalash muhandislari instituti” Milliy tadqiqot universiteti quyidagi natijalarga erishdi:

- “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti (“TIQXMMI” MTU)

– Muhandislik fanlari va texnologiyalar (401-450),

– Atrof-muhit fanlari (351-400).

2024 yilda 4989 ta universitet tahlil qilinib, 1559 tasi reytingga kiritilgan, 2025 yilda 5203 ta universitet tahlil qilinib, 1747 tasi reytingga kiritilgan bo’lib, universitetimiz o’tgan yilgi natijalarigan nisbatan quyidagi o’zgarishlarga erishgan:

– Academic Reputatuion (Akademik obro’) – 71.9 balldan 74.4 ballga

– Citations (Iqtiboslik) – 49.3 balldan 55.5 ballga

– H-index – 38.6 balldan 40.9 ballga

– International Research Network (Xalqaro tadqiqot tarmog’i) – 21.9 balldan 27.9 ballga va

– Umumiy natijalarga ko’ra 61.8 balldan 62.9 ballga oshganini e’tirof etish lozim.

“Toshkent irrigatsiya va qishloq xo’jaligini mexanizatsiyalash muhandislari instituti” Milliy tadqiqot universitetiimizning bu kabi reytinglarda ishtirok etishi ilmiy-tadqiqot faoliyatining jadal rivojlanayotganini anglatadi. Xususan, muhandislik yo‘nalishida ilgari surilayotgan innovatsion ishlanmalari bilan ajralib turdi. Ushbu yutuqlar mamlakatimiz ta’lim tizimining xalqaro standartlarga mos ravishda rivojlanayotganini va O‘zbekiston oliy ta’lim muassasalarining dunyo miqyosida e‘tirof etilayotganini ko‘rsatadi. Kelgusi yillarda O‘zbekiston universitetlari xalqaro reytinglarda yanada yuqori o‘rinlarni egallashi uchun ilmiy-tadqiqot faoliyatiga e‘tibor kuchaytirilishi, xalqaro hamkorlik kengaytirilishi va ta’lim sifatini oshirishga yo‘naltirilgan islohotlar davom ettirilishi kutilmoqda.