VAZIR BILAN UCHRASHUV
31.01.2025
VAZIR BILAN UCHRASHUV
Har bir davrning va har
bir sohaning dolzarb muammolari bo’ladi. Unga munosabat esa ilm-fan orqali
bo’lishi tayin. Bugun universitetimizda Suv xo’jaligi vaziri Xamrayev Shavkat
Raximovich bilan uchrashuv fonida tashkil etilgan tadbir ham katta ahamiyat
kasb etdi.
Uchrashuvni milliy
tadqiqot universitetimiz rektori, professor Bahodir Mirzayev kirish so’zi bilan
ochib vazirga so’z berdi. Vazir o’z bilimi va tajribalarini o’rtoqlashish
mazmunida universitetimizda dars berib kelayotgani ham quvonarli, albatta.
Shuningdek, talabalarning ish bilan ta’minlash masalasida ularning hissasi
katta bo’lishi aniq.
Vazir 2030 - yilgacha
bo’lgan strategik vazifalarni amalga oshuvida suv bilan bog’liq muammolarni
yechish ham muhimligini misollar asosida taqdimot orqali tusuntirib berdi.
Talabalarning savollariga aniq, lo’nda javob berdi. Xorijda ta’lim olib bir
nechta tilni bilishini ro’kach qilib g’o’dayib yurganlar emas pastga tushib
xalqimiz va vatanimizning suv muammolarini yaxshi biladiganlar biz uchun
manfaatli bo’lishini uqtirib o’tdi.
Tadbirning eng muhim va
manfaatli tomoni iqtidorli talabalarni rag’batlantirish bo’ldi desak mubolag’a
bo’lmaydi.
O‘zbekiston Respublikasi Vazirlar Mahkamasining
2024-yil 7-oktyabrdagi 645-son qarori bilan tasdiqlangan “O‘zbekiston
Respublikasi Suv xo‘jaligi vazirligining Suv xo‘jaligini rivojlantirish
jamg‘armasi mablag‘larini shakllantirish va ulardan foydalanish tartibi
to‘g‘risida Nizom”ning 5-bandi o‘n beshinchi xatboshisiga asosan suv xo‘jaligi
sohasiga kadr tayyorlovchi oliy ta’lim muassasalarining o‘quv va
ilmiy-innovatsion faoliyatida namuna ko‘rsatgan bakalavriat ta’lim
yo‘nalishlarida tahsil olayotgan 3 va 4-bosqich talabalarni qo‘llab-quvvatlash
maqsadida “Suv xo‘jaligi vaziri
stipendiyasi”ni tayinlash va to‘lash to‘g‘risidagi buyruq e’tiborga molik bo’ldi.
Tadbirda Suv xo’jaligi
vazirining axborot xizmati rahbari Shuhrat Suyunov, Xodimlar bo’limi boshlig’i
Xurshid Lapasov va boshqa mutasaddi rahbarlar ishtirok etishdi.
Universitetimizning bir qator iqtidorli, kreativ
talabalariga “Suv xo‘jaligi vaziri stipendiyasi”ning sovrindorlik nishoni va guvohnomalari topshirildi.
“Suv xo‘jaligi vaziri stipendiyasi” sovrindori
bo‘lgan universitetimiz va filiallarimizdagi talabalarning ro’yxatini
keltirishni maqsadga muvofiq topdik.
|
T/r |
FIO |
OTM nomi, ta’lim yo‘nalishi, kursi |
Talabaning |
|
1. |
Uralova Madina
G‘anisherovna |
“TIQXMMI” MTU
Gidromelioratsiya fakulteti Suv xo‘jaligi va melioratsiya yo‘nalishi
3-bosqich talabasi |
Gidromelioratsiya
fakulteti dekan o‘rinbosari A.J. Qoraboyev |
|
2. |
Karimova Dilorom
Azim qizi |
“TIQXMMI” MTU
Gidrotexnika qurilishi fakulteti Irrigatsiya tizimlarida gidrotexnika
obyektlari yo‘nalishi 3-bosqich talabasi |
Muhandislik
grafikasi |
|
3. |
Ismoilov Shuxratbek
Ilxomjon o‘g‘li |
“TIQXMMI” MTU
Gidromelioratsiya fakulteti Suv xo‘jaligi va melioratsiya yo‘nalishi
4-bosqich talabasi |
Irrgatsiya
va melioratsiya kafedrasi mudiri, t.f.d., prof., I.A. Begmatov |
|
4. |
Shamsiyeva Maftuna
Oybek qizi |
“TIQXMMI” MTU
Gidromelioratsiya fakulteti Meliorativ gidrogeologiya yo‘nalishi 4-bosqich
talabasi |
Gidrologiya |
|
5. |
Raxmatova Maftuna
Jamshid qizi |
“TIQXMMI” MTUning |
Umumtexnika fanlar
kafedrasi katta o‘qituvchisi J.Sh. Fazliyev |
|
6. |
Shodmonova Marjona
Davlat qizi |
“TIQXMMI” MTUning |
Irrigatsiya va
melioratsiya kafedrasi dotsenti, q/x.f.f.d., Z.Z. Qodirov |
|
7. |
Bobojonov Nurimon
Shaxriyor o‘g‘li |
“TIQXMMI” MTUning
Qarshi |
Gidromelioratsiya
fakulteti dekani o‘rinbosari J.Y. Shonazarov |
|
8. |
Beg‘amov Oybek
Davron o‘g‘li |
“TIQXMMI” MTUning
Qarshi irrigatsiya va agrotexnologiyalar instituti Gidromelioratsiya
fakulteti Suv xo‘jaligi va melioratsiya yo‘nalishi 4-bosqich talabasi |
Gidromelioratsiya
fakulteti dekani t.f.f.d., dotsenti |
Vazir bilan o’tkazilgan tadbir g’oyat maroqli tarzda
kechdi. Bitiruvchi talabalar o’zlari uchun katta motivatsion ruh oldilar.
UNIVERSITET MATBUOT XIZMATI
