14-yanvar – Vatan himoyachilari kuni nishonlandi
16.01.2025
Bugun, 16-yanvar kuni, “TIQXMMI” Milliy tadqiqot universitetida O‘zbekiston Qurolli Kuchlari tashkil etilganining 33-yilligi va "Vatan himoyachilari kuni" munosabati bilan tantanali bayram tadbiri bo‘lib o‘tdi.
Tadbirda universitet rahbariyati, professor-o‘qituvchilari, talabalari, harbiy xizmat vakillari hamda faxriylar ishtirok etishdi. Tadbir davomida Vatan himoyachilarining xalqimiz tinchligi va osoyishtaligi yo‘lida ko‘rsatgan xizmati yuksak qadrlanishi, ularning jasorati yoshlarga o‘rnak ekani alohida ta’kidlandi.
Universitet jamoasi tomonidan Vatan himoyachilariga bag‘ishlangan ma’rifiy sahna ko‘rinishlar, she’rlar va musiqiy chiqishlar namoyish etildi. Talabalar Vatan haqida o‘z ijodiy ishlari va mahoratlarini ko‘rsatib, barchaga bayramona kayfiyat ulashishdi.
