Xitoyning Shimoliy-G‘arbiy qishloq xo‘jaligi va o‘rmonchilik universiteti vakillari universitetga tashrif buyurishdi
20.12.2024
Xitoyning Shimoliy-G‘arbiy qishloq xo‘jaligi va o‘rmonchilik universiteti vakillari universitetga tashrif buyurishdi
Joriy yilning 19-dekabr kuni “Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universiteti (“TIQXMMI” MTU)ga Xitoyning Shimoliy-G‘arbiy qishloq xo‘jaligi va o‘rmonchilik universiteti Mexanika muhandisligi kafedrasi mudiri professor Yan Fengxin, shu kafedra assistent-professori Tan Hai, Axborot boshqaruvi ofisi rahbari Dang Qing, Zamonaviy o‘qitish texnologiyalari servis markazi rahbari Wang Min va UNICOM kompaniyasining O‘zbekistondagi vakillari Huiping Yang va Yinghui Zhao tashrif buyurishdi.
Tashkil etilgan uchrashuvda mehmonlarga universitet haqida ma’lumot taqdim etildi va o‘z navbatida mehmonlar ham o‘z universitetlari haqida ma’lumot berishdi. Shundan so‘ng Shimoliy-G‘arbiy qishloq xo‘jaligi va o‘rmonchilik universiteti vakillari o‘zlarida ishlab chiqilgan onlayn o‘qitishda foydalaniladigan zamonaviy platformaning taqdimotini o‘tkazishdi. Muhokamalardan so‘ng platformada ta’lim berish, ta’lim olish va uni o‘zlashtirish samaradorligini monitoringi yaxshi yo‘lga qo‘yilganligi ma’lum bo‘ldi va kelgusida Qishloq xo‘jaligini mexanizatsiyalash ta’lim yo‘nalishida ushbu platformani sinovdan o‘tkazishga kelishib olindi.
“Qishloq xo‘jaligi texnika va texnologiyalari” kafedrasi dotsenti A.Borotov axboroti
Universitet matbuot xizmati