Xorijiy stajirovka natijalari to‘g‘risida
20.12.2024
Xorijiy stajirovka natijalari to‘g‘risida
Bugungi kunda O‘zbekiston respublikasi oliy ta’lim, fan va innovatsiyalar vazirligi qoshidagi Innovatsion rivojlanish agentligi tomonidan yosh olimlarni nufuzli xorijiy oliy ta’lim hamda ilmiy-tadqiqot tashkilotlariga qisqa muddatli ilmiy stajirovkalarga yuborish bo‘yicha alohida maqsadli tanlov e’lon qilinib kelinmoqda.
2023-yilda tashkil qilingan yosh olimlarning yetakchi xorijiy ilmiy tashkilotlarga qisqa muddatli ilmiy stajirovkalari tanlovida ishtirok etgan "Toshkent irrigatsiya va qishloq xo‘jaligini mexanizatsiyalash muhandislari instituti" Milliy tadqiqot universiteti "Elektrotexnika va mexatronika" kafedrasi 05.01.06 - "Hisoblash texnikasi va boshqaruv tizimlarining elementlari va qurilmalari" ixtisosligi bo‘yicha 3-kurs tayanch doktoranti Almardon Mustafoqulov Mamatovich maxsus ekspert guruhi tomonidan g‘olib deb topildi va Ispaniyaning Madrid Politexnika universitetiga 2024-yil 10-noyabrdan 10-dekabrgacha bir oy muddatga prof. Slobodan Bojanic rahbarligida stajirovka o‘tab qaytdi. Stajirovka davomida Madrid Politexnika universitetining "Elektronik muhandisligi" va "Robototexnika muhandisligi" kafedra va ilmiy tadqiqot markazlariga tashrif buyurib robototexnika, elektrotexnikaning nazariy asoslari, zanjirlar nazariyasi, signallarni qayta ishlash, mikroelektronika sohalariga tegishli bo‘lgan moddiy texnik bazasi va ilmiy laboratoriyalari bilan tanishildi hamda tayanch doktorant kafedra professor-o‘qituvchilari uchun kichik taqdimot o‘tkazdi. Kafedra professor-o‘qituvchilari qiziqtirgan savollarini berdi. Yuqoridagi sohaga aloqador bo‘lgan zamonaviy laboratoriya asboblari va jihozlarining ishlash jarayonlari haqida ma’lumot to‘plandi.