“Hissiyotlar sayyorasi”
06.11.2024
“Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti psixologi M.K.Muhammedova tomonidan 209-auditoriyada "Yer resurslari kadastri" fakulteti 103-106-guruh talabalari bilan birgalikda “Hissiyotlar rangi” mavzusida seminar trening tashkil etildi.
Seminar trening talabalarda muammoga ijodiy yondashuvni shakllantirish, o‘ziga ishonch va o‘zini prezentatsiya qilish malakasini oshirish, his-tuyg‘ularni tartibga solish, jamoa bo‘lib faoliyat olib borish va bir-birlarini his etish qobiliyatini rivojlantirish maqsadida tashkillashtirildi.
Tadbir savol javob orqali, bahs va munozaralarga boy tarzda kechdi. Tadbir davomida mavzuga oid trening mashg‘ulotlar o‘tkazildi. Trening natijasida talabalar aqliy, hissiy zo‘riqish va stresslardan xalos bo‘libgina qolmay, boshqa insonlar hislarini tushunish, ularni to‘g‘ri qabul qilish malakasini shakllantirdilar. Barcha talabalar o‘tkazilgan tadbirdan o‘zlari uchun foydali ma’lumotlarga ega bo‘lishdi va ko‘tarinki kayfiyatda tadbir nihoyasiga yetdi.
Universitet psixologi M.K. Muhammedova axboroti
“TIQXMMI” MTU matbuot xizmati