Xorijda ta’lim

01.11.2024

#Ta`lim #Xalqaro hamkorlik #Yangilik

  Joriy yilning 31-oktyabr kuni Universitetimizning G bino 2-ma’ruzalar zalida “Gidrologiya va gidrogeologiya” kafedrasi mudiri I.Ro‘ziyev tashabbusi bilan «Unit study, Aviatimi Travel va GROSS insurance company» kompaniyalari asoschilari Davron Abdukodirov va Sanjar Mustaffakulovlar bilan uchrashuv tashkil etildi. Tadbirda "Gidromelioratsiya" fakulteti dekani J. Ishchanov, “Gidrologiya va gidrogeologiya” kafedrasi professor-o‘qituvchilari va boshqa bir qator kafedra vakillari ishtirok etishdi. Uchrashuvda quyidagi yo‘nalishlar bo‘yicha ma’lumotlar berishdi:

  • -   Professor-pedagoglarni Yevropa oliy ta’lim muassasalarida tajriba almashinuv amaliyotlarini o‘tashi;
  • -  Talabalarni turli xil grantlar, yig‘inlarda qatnashib, g‘olib bo‘lishlariga amaliy yordam berish, shuningdek xorijiy oliy ta’lim muassasalarida amaliyot o‘tash;
  • -  Oliy ta’lim muassasalarini bitirgan talabalarni nufuzli korxonalarga ishga joylashishi;
  • -  Talabalarning yozgi va qishki amaliyotlarini o‘tash uchun xorijiy ishlab chiqarish va xizmat ko‘rsatish korxonalariga jalb qilishda yordam berish masalalari.

  Uchrashuv davomida yosh doktorantlar, magistrlar va talabalar qanday qilib chel davlatlarda o‘qish davomida ishlash imkoniyatlariga ega bo‘lishlari, uning talablari hamda imkoniyatlari bilan batafsil tanishishdi va o‘zlarining qiziqtirgan savollariga javoblar olishdi. Uchrashuv so‘ngida ushbu kompaniya va universitetimiz o‘rtasida o‘zaro aloqalarni rivojlantirishga kelishib olindi.

Universitet matbuot xizmati