“Zakovat” intellektual o‘yini o‘tkazildi
29.10.2024
Joriy yilning 29-oktyabr kuni universitet xotin-qizlar maslahat kengashi rejasi asosida 3-talabalar turar joyida “Energetika” fakulteti talaba-qizlari o‘rtasida “Zakovat” intellektual o‘yini bo‘lib o‘tdi.
Ushbu intellektual o‘yin iqtidorli qizlarning mantiqiy bilimlarini oshirish, ularni saralash va intellektual o‘yinlarga keng jalb qilish, intellektual o‘yinlar tashkil qilinishini davlat tomonidan qo‘llab-quvvatlash va zarur shart-sharoitlar yaratish, shuningdek, talaba-qizlarning intellektual salohiyatini yuksaltirish maqsadida o‘tkazildi. O‘yinda jamoalar tarkibi fakultetdagi kurslar bo‘yicha har bir jamoadan 5 nafar ishtirokchidan tuzildi. Unga ko‘ra 1-kurslardan tashkil topgan “Ladies” jamoasi, 2-kurslardan tashkil topgan “Go‘zallar” jamoasi hamda 3-kurslardan tashkil topgan “Xonimlar” jamoalari o‘zaro bellashdilar.
Juriy a’zolari sifatida xotin-qizlar masalalari bo‘yicha dekan maslahatchisi Ch.Oxunboboyeva, tyutorlar B.Abdullaev va D.Xudoynazarovalar qatnashishdi.
O‘yin natijalariga ko‘ra, birinchi o‘rinni “Xonimlar” jamoasi, ikkinchi o‘rinni “Go‘zallar” jamoasi va uchinchi o‘rinni “Ladies” jamoalari egalladilar.
O‘tkazilgan intellektual o‘yinda talaba-qizlar “Zakovat” o‘yinini va boshqa intellektual o‘yinlarni tizimli ravishda o‘tkazilishi to‘g‘risida takliflarini bildirishdi.
Xotin-qizlar masalalari bo‘yicha dekan maslahatchisi Ch.Oxunboboyeva va tyutor D.Xudoynazarovalar axboroti
Universitet matbuot xizmati
