Avvalo Sizlarni, Sizlar orqali barcha oʻqituvchi va murabbiylarni, oʻzining kuch-gʻayrati, kerak boʻlsa butun umrini yosh avlodning ta'lim-tarbiyasiga bagʻishlab kelayotgan qadri baland ulugʻ ustozlarni, bugungi ulugʻ ayyom - “Oʻqituvchi va murabbiylar” kuni bilan chin qalbdan samimiy tabriklayman.

          Aytadilarki,

oʻzi oʻqituvchilar hayotimiz charogʻonidir. Kim boʻlmaylik, qaysi sohada ishlamaylik, barchamizga muallimlar ta'lim va tarbiya berishgan.

          Bugungi kunda muhtaram Prezidentimiz tomonidan mamlakatimiz rivoji va xalqimiz farovonligi yoʻlida olib borilayotgan ishlari, ayniqsa keyingi yillarda oliy ta'limga qaratayotgan alohida e'tibori har qancha tahsinga sazovordir va buni har bir ilm-ahli kundalik hayotida butun vujudi bilan his qilmoqda.

Bugungi kunda hurmatli Prezidentimizning katta koʻmagi va yordami bilan universitetimiz infrastrukturasi tubdan yangilandi:

Universitetimizda yuqori tezlikka ega boʻlgan, ya'ni 600 Mb/sek dan  3 ta optik tolali, 100 Mb/sek dan 4ta, jami 7ta yuqori tezlikdagi optik tolali internet tarmogʻi keltirildi.

Dunyoning eng yirik bibliografik plantformasi hisoblangan Elseveyr kompaniyasi bilan shartnoma imzolab, Scopus WoS va SciVal platformalari erkin foydalanish yoʻlga quyildi. 

Bu esa universitet olimlarini xalqaro hamkorlik va tadqiqot ishlarini yanada rivojlantirish uchun katta imkoniyat yaratildi.

Hozirda faqat universitet olimlari tomonidan joriy yilning 9 oy davomida eng yuqori impakt faktorli Q1, Q2 jurnallarda  50 dan ortiq maqolalar chop etildi va bu koʻrsatkich FATI olimlari bilan qoʻshib  hisoblaganda 170 tani tashkil qilmoqda.

Fursatdan foydalanib bu borada faol mehnat qilayotgan olimlarga chin dildan minnatdorchilik bildiraman va bunday samarali mehnat natijasini juda yuqori qadrlaymiz.

Yaqinda universitet hududida Sun'iy intellekt inkubatoriga aylangan 200 oʻrinli IT Park, 100 ta Core i7 va i9 kompyuterlari bilan jihozlangan 1000 oʻrinli  Yangi oʻquv bino, va 800  oʻrinli 9 qavatli talabalar turar joyi foydalanishga topshirildi.

Umuman olganda,

Bugungi kunda universitetimiz sifatli ta'lim, samarali tadqiqot va sermazmun xalqaro hamkorlik ishlarini amalga oshirishi, mustaqil Vatanimizga qishloq va suv xoʻjaligi uchun yuqori malakali kadrlarni tayyorlashda munosib hissa qoʻshmoqda.

Bu borada talabalarimizning chuqur bilim olishi, koʻplab startap loyihalarini amalga oshirishi, yangi ixtirolarni kashf qilishi va ularni ma'nan etuk kadr boʻlib shakllanishiga salohiyatli professor-oʻqituvchilar va tyutor-tarbiyachilarning xizmatlari beqiyos deb hisoblayman.

Hurmatli qadri baland, oʻzi ulugʻ ustozlar !

Bugun Universitetimiz Oʻzbekiston universitetlari va  dunyo universitetlari orasida nufuzi kun sayin oshib bormoqda.

Dunyo miqyosida universitetimiz global reyting va fan sohalari reytingida (Muhandislik va texnologiyalar; Tabiiy fanlar; Ekologiya va atrof muhit muhofazasi) boʻyicha ham eng yuqori pogʻonalardan joy egalladi.

Hozirda Germaniyaning ASIIN agentligi tomonidan xalqaro akkreditasiyadan muvaffaqiyatli oʻtdi va 5 yilga akkreditasiyalandi.

Joriy yilda ushbu yutuqlarning zamirida Olmata shahrida universitetimiz filiali ish boshladi.

Bir soʻz bilan aytganda jonajon universitetimizda har qancha faxrlanib, mehr bilan yoshlarni sevib mehnat qilsak arziydi.

Qadrli ustozlar!

Nokamtarlik boʻlsada, aytmoqchimanki, Sizlarning fidokorona mehnatingiz, yuqori salohiyatingiz evazida universitetimiz kun sayin ravnaq etib bormoqda. Bu borada ta'lim oluvchilarning ehtiyojlari toʻla qanoatlantirib borilmoqda desam aslo mubolagʻa boʻlmaydi.

 Birgina joriy yilning 9 oy davomida Sizlar tomonidan 29 ta darslik va 52 ta oʻquv qoʻllanma tayyorlandi, 23 nafar professor-oʻqituvchilarimiz dissertasiyalarini muvafaqqiyatli yakunlab ilmiy daraja va unvonlarga ega boʻlishdi 46 ta monografiya chop etilgan boʻlsa, 80 ta ixtiroga patent va foydali model guvohnomasi olindi.

Albatta oldimizda qiladigan ishlarimiz juda koʻp, ya'ni universitet jamoasi joriy yilda oʻz oldiga juda katta sharafli maqsadlarni quyganmiz, Xalqaro reytingda ham, Milliy reytingda ham.... mana oktyabr oyida 2025 yil uchun TNE xalqaro reyting e'lon qilinishi kutilayapti, noyabr oyida esa QS xalqaro regional reytingi e'lon qilinadi va 7-9 noyabr kuni Makkao shahrida oʻtkaziladigan sammitida universitet xalqaro ta'lim koʻrgazmasida ishtirok etishi rejalashtirilgan

Oʻylaymanki,  2024 yilda ham Universitetimiz oʻz mavqeyiga munosib boʻlgan  natijani qayd etadi.

Bu yutuqlarni negizida Siz aziz va muhtaram ustozlaru- murabbiylarning beqiyos mashaqqatli mehnatlari yotibdi. Va biz buni juda yuqori qadrlaymiz va doimo sizlarga ta'zim qilamiz.

Sizlarni yana bir bor, bugungi ulugʻ ayyom, qutlugʻ bayram bilan barchangizni chin dildan tabriklab, sizlarga sihat-salomatlik, ilmiy va ijodiy ishlaringizda oʻlkan muvaffaqiyatlar tilayman. Doimo sogʻ-omon boʻling, Aziz Ustozlar!