“YASHIL MAKON” – YANGI IMKON
25.11.2022
Tabiatning musaffoligi ko’kalamzorlashtirish bilan. Demak, atrof - muhitning tozaligi va go‘zalligi ko‘zlarni quvnatadi, dillarni yayratadi. Nafosatga oshno qalblarda bunyodkorlik, yaratuvchilik kayfiyati hukmron bo‘ladi. Shunday ekan, daraxtning inson hayotidagi o’rni kishi umrining davomiyligi, boqiyligiga ham daxldor. Respublikamiz bo’ylab turli korxona va tashkilotlarda, ta’lim muassasalarida "Yashil makon" dasturi asosida o’tkazilyotgan tadbirlar katta mohiyat kasb etmoqda. Barcha joylarda ko’chat o’tkazish, yerga nihol qadash urf bo’lgani yangilik ham yaxshilikning nishoni.
Inson o’tib ketgandan so’ng undan qoladigan va uning nomiga savoblar ajru mukofotlar yozilib turishiga bois bo’ladigani ham u ekkan va o‘stirgan daraxtidir deyiladi qadimiy manbalarda. Xuddi shunga amal qilgan holda “TIQXMMI” Milliy tadqiqot unversitetining barcha fakultetlari o’z jamoalari bilan "Yangi O’zbekiston" bog’i hududida yaqin bo’lgan joyda ko’chat o’tkazishga astoydil kirishib ketdilar.
Kuni kecha "Suv xo’jaligini tashkil etish va boshqarish" fakulteti bilan birgalikda universitet rektori professor Bahodir Mirzaevning ishtiroki ham alohida ahamiyat kasb etdi. Rektorning o‘zlari ham ezgu niyatlar bilan bir nechta ko‘chat o‘tqazdilar. Tadbirda mas’ul sifatida prorektor Baxtiyor Xasanov va Mirzo ulug’bek tuman tuman prokuraturasi va obodonlashitirsh boshqarmasidan vakillar kelib ishtirok etishdi. Ko’chat o‘tqazish, suv quyish va ularni tizimli ravishda bir qator qilib ekilishi ham g’oyat go‘zal manzara. Pavlovniya va archa ko‘chatlari o‘ziga xos geometrik simmetriya asosida qatorlashtirib ekildi.
Fakultet dekani Rashid Hakimov bir necha yillardan keyin bu manzaraga ko‘zi tushgan yo‘lovchi-yu haydovchilarning duosini olamiz deya ellik chog‘lik talabalarni ruhlantirdi. Dekan muovini Jamshid Turdiyev bir qo‘lida chelak, ikkinchi qo‘lida belkurak bilan barcha talabalarga ibrat bo‘ldi. Prorektor Baxtiyor Xasanov keltirilgan 500 ta archa, pavlovniya ko’chatlari olib kelingani ezgulik sari savobli ish ekanini qayd etdi.
Yerni kovlab, unga suv quyib, ko’chat o’tkazish bilan band bo’lgan talabalar benihoya shod bo’lib ko’tarinki ruh bilan ishlashdi. Tadbirda SXTEB fakulteti jamoasi, kafedra mudirlari, professor-o’qituvchilari ham ishtirok etib ayricha shavq bilan mehnat qilishdi. Bu jarayon davomli tarzda amalga oshirilishi maqsadga muvofiqdir.
Universitet matbuot xizmati