iUHIM boʻyicha xalqaro seminar
23.10.2026
2026-yil 20–23-oktabr kunlari “TIQXMMI” Milliy
tadqiqot universitetida “Shahar issiqlik orollarini intellektual monitoring
qilish: sensor texnologiyalari, fizik modellashtirish va yashil infratuzilmani
integratsiyalash (iUHIM)” loyihasi doirasida xalqaro seminar bo‘lib o‘tdi.
Loyiha Germaniya ilmiy-tadqiqot jamiyati (DFG) tomonidan xalqaro hamkorlikni
boshlash dasturi doirasida qo‘llab-quvvatlanmoqda.
Seminarda universitet Ilmiy ishlar va
innovatsiyalar bo‘yicha prorektor prof. Sh.S. Shokirov, Niderrayn amaliy fanlar
universiteti (Hochschule Niederrhein, Krefeld, Germaniya) olimlari — prof. R.
Pohle-Fröhlich, prof. S. Goebbels, prof. M. Zella, dr. A. Kitzig — hamda o‘zbek
jamoasi: prof. M. Radkevich, PhD A. Savitskiy, PhD K. Shipilova (GulDU), PhD S.
Myagkov (Gidrometeorologiya ilmiy-tadqiqot instituti) ishtirok etdi. Ekologiya
va iqlim o‘zgarishi milliy qo‘mitasidan Milliy iqlim siyosati va yashil
shaharlar bo‘limi boshlig‘i E.B. Shomuratov, bosh mutaxassislar X.S.
Sherimbetov va X.E. Do‘smurodova qatnashdi.
Seminarning asosiy maqsadi, Germaniyaning
sensor tarmoqlari, kompyuter ko‘rish va shaharlarni 3D-modellashtirish bo‘yicha
tajribasini o‘zbek tomonining yer usti va sun’iy yo‘ldosh monitoringi
ma’lumotlari hamda fizik modellashtirish bilan birlashtirib, Toshkentdagi
issiqlik orollarini o‘rganish va ularni yumshatish bo‘yicha samarali choralarni
aniqlashdir. Seminar davomida ma’ruzalar, ishchi sessiyalar va Uchtepa,
Yangihayot, Sergeli va Shayxontohur tumanlaridagi, Botanika bog‘i va “TIQXMMI”
Milliy tadqiqot universitetida kampusidagi
ehtimoliy tajriba maydonlariga dala tadqiqotlari oʻtkazildi.
