"Maʼrifat ulashib" loyihasi targ‘ibotchilari universitetimizda

22.10.2026

#Ma`naviyat

“TIQXMMI” Milliy tadqiqot universiteti “Axborot-resurs markazi” va universitet huzuridagi Aniq fanlarga ixtisoslashtirilgan maktabda “Maʼrifat ulashib” loyihasi doirasida tadbir tashkil etildi. Tadbirga  taniqli ijodkorlar   Munavvara Usmonova, Muhtarama Ulug‘ova va Habib Siddiqlar tashrif  buyurdilar. Uchrashuvda Munavvara Usmonova, Muhtarama Ulug‘ova va Habib Siddiqlar so‘zga chiqib - yoshlar o‘rtasida ilm-ma’rifatni keng targ‘ib etish, kitobxonlik madaniyatini yuksaltirish, milliy va umuminsoniy qadriyatlarni asrab-avaylash hamda yosh avlodni bilimli, ma’naviyatli va vatanparvar etib tarbiyalashning ahamiyati haqida fikr-mulohazalarini bildirildilar. Uchrashuv davomida ma’rifat inson kamolotining muhim omili ekani, ilm olishga intilish, ezgu fazilatlarni shakllantirish va o‘z bilimlarini boshqalar bilan baham ko‘rish har bir yoshning hayotida muhim o‘rin tutishi ta’kidlandi. Shuningdek, talabalarning bo‘sh vaqtini mazmunli tashkil etish, ularni kitob mutolaasiga keng jalb qilish va jamiyat hayotida faol ishtirok etishlariga ko‘maklashish masalalariga alohida e’tibor qaratildi.
Zero, ma’rifatli yoshlar — yurt kelajagi, ilmli va ma’naviyatli avlod esa taraqqiyot poydevoridir.Yoshlarimiz- Habib Siddiq, Muhtarama Ulug‘ova va Munavvara Usmonovalarning ijod namunalaridan baxramand bo‘ldilar va o ‘zlarini qiziqtirgan savollarga atroflicha javob oldilar.Tadbir so‘ngida Habib Siddiq, Munavvara Usmonova, Muhtarama Ulug‘ovalar o‘zlarining qalamiga mansub saylanma va kitoblarni universitet “Axborot-resurs markazi”taqdim etdilar. Uchrashuvga tashrif buyurgan taniqli ijodkorlar   Munavvara Usmonova, Muhtarama Ulug‘ova, Habib Siddiqlarga universitet sovg’alari topshirildi. Uchrashuvda faol qatnashgan “Iqtisod fakulteti” Xotin-qizlar kengash raisi R.Qodirova va talaba-yoshlarimizga o‘z minnatdorchiligimizni bildiramiz.

MA’RIFAT ULASHGAN - INSONNING NURI BOSHQALARNING QALBINI HAM YORITADI!

Universitet matbuot xizmati