“Fermer ayollar: ilm, innovatsiya va agrooziq-ovqat tizimlari transformatsiyasi” xalqaro Forumi

08.10.2026

#Ma`naviy va tashkiliy

Ayni paytda poytaxtimizdagi “Hyatt Regency Tashkent” mehmonxonasida Xalqaro qishloq ayollari kuniga bag‘ishlangan “Fermer ayollar: ilm, innovatsiya va agrooziq-ovqat tizimlari transformatsiyasi” mavzusidagi xalqaro forum o‘z ilmoqda.

Nufuzli xalqaro anjumanda qishloq xo‘jaligida xotin-qizlarning o‘rni, fermer ayollarning zamonaviy agrar taraqqiyotdagi ishtiroki, ilm-fan va innovatsiyalarning qishloq xo‘jaligiga tatbiqi hamda oziq-ovqat xavfsizligini ta’minlashda ayollarning hissasi kabi muhim masalalar muhokama qilinmoqda

Forumda so‘zga chiqqan O‘zbekiston Respublikasi qishloq xo‘jaligi vaziri Ibrohim Abdurahmonov bugungi kunda agrar sohada ayollarning o‘rni va ahamiyati tobora kengayib borayotganiga alohida e’tibor qaratdi. Shu bilan birga  anjumanda Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO), O‘zbekiston Respublikasi Oila va xotin-qizlar qo‘mitasi raisi o‘rinbosari, O‘zbekiston Fermerlari kengashi raisi, BMTning O‘zbekistondagi doimiy koordinatori, O‘zbekiston agrosanoat majmui xodimlari kasaba uyushmasi Respublika Kengashi raisi, O‘zbekiston Respublikasi Oliy Majlisi Qonunchilik palatasi Xalqaro ishlar, mudofaa va xavfsizlik masalalari qo‘mitasi raisi o‘rinbosari, Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO /FAO) Yevropa va Markaziy Osiyo bo‘yicha mintaqaviy ofisining gender masalalari va ijtimoiy himoya bo‘yicha katta maslahatchisi, O‘zbekiston Respublikasi Qishloq xo‘jaligi vazirligi, Ilm-fan, innovatsiyalar va taʼlimni rivojlantirish boshqarmasi boshlig‘i, Shveysariya Karitas tashkilotining Markaziy Osiyo bo‘yicha mintaqaviy direktori, O‘zbekiston Respublikasi Qishloq xo‘jaligi vazirligi, Ilm-fan, innovatsiyalar va taʼlimni rivojlantirish boshqarmasi boshlig‘i va bir qancha mutasaddi xodimlar , xorijiy ekspertlar o‘z maʼruzalari bilan qatnashdilar.

 Ta’kidlanganidek, qishloq xo‘jaligi - bu nafaqat texnika, texnologiya, hosildorlik va iqtisodiy samaradorlik, balki, avvalo, inson omili mujassam bo‘lgan sohadir. Bu jarayonda ayollarning o‘rni va hissasi beqiyosdir. Zero, qishloq hayotining barqarorligi, oilalar farovonligi, yerga mehr va mehnat madaniyatining shakllanishida ayollar alohida o‘rin tutadi.

Shular qatorida universitet “Professional taʼlim” kafedra professori Ismailova Zuxra Karabayevna ham  seksiyalar yig‘ilishida “Barqaror rivojlanish maqsadlariga erishishda xotin-qizlarning ishtiroki va yetakchiligini kuchaytirish” mavzusida  o‘z maʼruzasi bilan qatnashdi.

Bu mavzu doirasida ayollarning imkoniyatlari va salohiyati alohida ahamiyat kasb etishi va qishloq ayollariga imkoniyat berish - bu faqat bir guruh insonlarni qo‘llab-quvvatlash emas, balki butun soha yo‘nalishlarida faoliyat olib borayotgan mutasaddi tashkilotlarning ham  asosiy  vazifasi masalalariga alohida  to‘htalib o‘tildi.